Temas: EN MAREA CARMEN SANTOS PODEMOS

Santos cre que a renuncia de Hermida é unha reacción "tardía"

A secretaria xeral de Podemos Galicia, expresou que a renuncia definitiva anunciada polo deputado de En Marea Xoán Hermida é "coherente" pero matizou que o pontevedrés "podería ter aforrado o ruído dos últimos días".

Xoán Hermida renuncia ao seu posto como deputado por En Marea

Por E.P. | SANTIAGO DE COMPOSTELA | 30/04/2018 | Actualizada ás 21:14

A renuncia de Hermida aínda non é efectiva. Hai 20 días, o político pontevedrés, avanzou en pleno debate sobre a continuidade de Paula Quinteiro que renunciaría á súa acta en caso de producirse unha vacante, acordou co portavoz do partido instrumental, Luís Villares, adscribirse de forma provisional ao Grupo Parlamentario de En Marea. Facíao logo de ser declarado deputado electo co compromiso de que non asumiría a condición plena de parlamentario, renunciando, entre outras cousas, ao salario, e que presentaría a súa renuncia definitiva unha vez resolvésese a continuidade de Paula Quinteiro no Pazo do Hórreo.

Agora, Xoán Hermida avanza que renuncia definitivamente ao seu escano após a convocatoria dunha consulta non vinculante ás bases de En Marea sobre o futuro da parlamentaria, membro de Podemos Galicia.

Cuestionada sobre este asunto, Carmen Santos asegurou que o paso dado por Hermida é "coherente" coa que xa anunciara, pero asegura que podería facelo antes para "aforrarse o ruído" xerado ao redor de En Marea nos últimos días. "O mínimo que mostra é coherencia, tardía, pero coherencia. Supoño que será para protexer a dignidade do grupo parlamentario e a dignidade de quen confiou en nós. Oxalá fose antes", comentou.

JULIA TORREGROSA

Así as cousas, a acta recae agora no número sete da lista por Pontevedra, Julia Torregrosa, responsable da área de Educación de Podemos Galicia e profesora nun centro educativo de Poio (Pontevedra), polo que a formación morada mantería o seu peso dentro do grupo parlamentario de En Marea.

Santos asegurou que a súa compañeira de partido "ten todo arranxado para poder tomar posesión", á vez que indicou que a súa incorporación sería "unha boa noticia para o proxecto e para os galegos".

Ademais, a secretaria xeral de Podemos Galicia non quixo comentar a convocatoria da consulta ás bases que prepara a dirección de En Marea sobre o futuro de Paula Quinteiro que, en todo caso, non provocará a dimisión da deputada, decisión que corresponde unicamente a ela.

Así mesmo, manifestou que o expediente interno aberto á parlamentaria, membro da corrente Anticapitalista de Podemos, pechouse establecendo que "non houbo incumprimento do código ético" durante os feitos nos que, segundo recolle o atestado policial, Quinteiro chegou a esgrimir a súa condición de deputada ante uns axentes que realizaban un control nocturno por unha denuncia veciñal por vandalismo.

Noticias relacionadas

Xoán Hermida renuncia ao seu posto como deputado por En Marea

Temas: EN MAREA CARMEN SANTOS PODEMOS

12 Pondaliao

Podemos. qué é? Unha marca de condóns pinchados?

11 Seguro Seguro

Pois si que vai a ser importante un atestado de Garda Civil de Tráfico realizado nunha estrada de Poio para o futuro de Podemos en Galiza. Saen dunha... e métense noutra. Fartadas de alcol, mentiras curriculares e cacharrazos con feridos graves. Todo un mal de ollo.

1 anonimo

Xoghas algho se é ou non?

10 M. Vila

Se amparas a un corrupto, es un corrupto igualmente. Se protexes un delincuente, es ti tamén un delincuente. Se Carmen Santos insiste en defender a Paula Quinteiro, entón é cómplice na esmorga rupturista nocturna, pretende instaurar privilexios da neocasta na política e rise das bases e do partido instrumental (como fixo Paula Quinteiro, con insultos moi graves de Dopico e Balsa). Chegados a este punto, repito o que otros antes comentaron: habería que reprobar a Carmen Santos. Que Carmen Santos e outros parásitos acomodaticios sexan deputados de En Marea é un insulto aos galegos do común.

9 Unha votante

Se eu fora Paula Quinteiro solicitaría eu mesma o proceso revogatorio; eu mesma sería a máis preocupada por dar as miñas explicacións perante a xente que represento, e se non gaño e manteño a confianza das bases coas miñas explicacións, non vería sentido a continuar de deputada, sen isto constituír un menoscabo á miña dignidade; pois a lexitimidade dun deputado deriva da confianza que os electores e inscritos depositaron nel. De perderse esta confianza, incluso por unha neglixencia, un erro, ou un desafortunado malentendido ou incidente, abandonar a acta é o máis indicado, e tamén o máis digno.

1 Unha votante

Aferrarse a un acta sen saber se un conta xa coa confianza de quen representa, non me parece moi loable. Perder a confianza da xente non equivale a ser culpable de ningún delito, tampouco unha persoa inmoral ou mala. Non deben esquecer que son representantes electos, non traballadores contratados por unha empresa; non lles pagamos para que traballen para nós, os eliximos para que nos representen.

8 Faraldo

A testigo de jehova, segue a defender a continuidade de Paula Quinteiro. VERGOÑENTO

1 Unha votante

Non creo que ninguén que comenta neste xornal pense seriamente que Feijoo é unha mellor opción. Isto non impide a crítica. A marea ten un programa electoral aceptable, e non cuestiono a súa labor de oposición; é unha mágoa que algúns políticos e inscritos non crean no proxecto como tal, e que nalgúns parezan primar os intereses de parte, e incluso persoais; tamén son desafortunados accións pouco coherentes e certas linguaxes puerís.