Temas: FOLGA CIG UXT CCOO CUT

É posible unha folga xeral en Galicia?

A CUT chama á CIG a afrontar unha folga xeral real dende a unidade “como única garantía posible de éxito”, mentres CC.OO. e UXT xa se desmarcaron.

A CIG convoca folga xeral para xuño mentres UXT e CC OO piden que a recuperación reverta nos traballadores

Por Galicia Confidencial | Compostela | 08/05/2018 | Actualizada ás 09:00

A CIG lanzou o pasado 1 de maio unha convocatoria de folga xeral para o 19 de xuño. Unha convocatoria moi criticada polo resto dos sindicatos, especialmente, polos estatais. De feito, tanto UXT coma CC.OO. xa anunciaron que non apoian esta convocatorio porque entenden que a folga debería ser a nivel estatal.

Pola contra, outros sindicatos nacionalistas, como a Central Unitaria de Traballadores/as (CUT) aposta, precisamente, pola unidade sindical para facer unha fronte común contra o empresariado e as políticas económicas do Goberno central. Por iso, pediulle unha xuntanza á CIG para trasladarlle esta postura porque facela sen unidade “está condenada a ser pura estética e apariencia”.

O Secretariado Nacional (máximo órgano) da CUT decidiu manter un encontro coa CIG para analizar esta convocatoria, que non desbota, porque recoñece “unha urxencia obvia ante un contexto de recorte de dereitos sociais, económicos, civís e políticos para o conxunto do pobo traballador”.

"TRAMPA" DE MADRID

Pero tamén insiste na unidade de accións sindical, a pesar de recoñecer que CC.OO e UXT son, en parte, “responsables e xestoras cómplices da actual situación de bloqueo técnico do movemento obreiro”.“A letanía que quere poñernos á agarda dunha convocatoria lanzada dende Madrid é unha trampa para desmobilizar á clase traballadora galega e someternos aos tempos de CCOO e UGT, que lanzarán a Folga Xeral aos ritmos da súa campaña electoral”, critica.

E, aínda que apoia a convocatoria de folga galega, tamén advirte á CIG de que non adopte posturas “unilaterais”. Así, indica que unha folga mal convocada ou mal enfocada pode supoñer “un retroceso histórico” pero tamén insiste en que “non vai permitir que se cuestione a utilidade dunha folga en chave nacional galega”. “Non caben convocatorias intempestivas, inútiles, propagandísticas ou mesmo electoralistas que sirvan a fins alleos aos intereses do conxunto das traballadoras e traballadores de Galiza”, conclúe.

Noticias relacionadas

A CIG convoca folga xeral para xuño mentres UXT e CC OO piden que a recuperación reverta nos traballadores

Temas: FOLGA CIG UXT CCOO CUT

2 Nexus 6

Nadie salvo los nazionalistas/comunistas de la cig y la cut la plantean. La inmensa mayoría de los trabajadores gallegos lo que desea es trabajar y, en último caso, poder tener la libertad de secundar la huelga o no. Sin embargo, si se produce la convocatoria, actuarán "os piquetes informativos, democráticos e solidarios" dos traballadores galegos asoballados por Madrí e polos facistas españois que queren acabar coa clase traballdora galega e bla, bla. bla.... Entonces, para estos nazionalistas, o éxito da folga (ou greve como din algúns) será total e unha mostra mais da unidade de acción do sindicalismo do país, en loita contra o imperialismo español que quere acogotar aos nosos obreiros e convertelos en escravos da patronal e das multinacionais (e mais bla, bla, bla...) Ah! xa me esquecía. a culpa, claro, é do PP e do Frijoles bla, bla, bla.

1 Salgueiro

Nexus 6. És máis antiguo que a catedral de Santiago. Que sorte tes! Por ti non pasan os anos!

1 EuFolgaCoaCigCut

A ver se entendo ben... CCOO e UGT pide que se faga a folga cando digan eles desde Madrid. Din que agora é tempo de voltar negociar coa Patronal. A CUT, cunha asombrosa ambigüedade, di que para ir á folga ten que haber unidade. Entón que ten que facer a CiG? Desconvocar a folga e agardar que CCOO e UGT convoquen dende Madrid? Creo que a CiG actuou primeiro e leva a iniciativa. Os outros queren que o sindicalismo Galego siga as orders dictadas dende Madrid. E a CUT? Agardo que acabe apoiando/uníndose á folga e a CiG o faga en pé de igualdade

1 anonimo

Nadie salvo los nazionalistas/comunistas de la cig y la cut la plantean. La inmensa mayoría de los trabajadores gallegos lo que desea es trabajar y, en último caso, poder tener la libertad de secundar la huelga o no. Sin embargo, si se produce la convocatoria, actuarán "os piquetes informativos, democráticos e solidarios" dos traballadores galegos asoballados por Madrí e polos facistas españois que queren acabar coa clase traballdora galega e bla, bla. bla.... Entonces, para estos nazionalistas, o éxito da folga (ou greve como din algúns) será total e unha mostra mais da unidade de acción do sindicalismo do país, en loita contra o imperialismo español que quere acogotar aos nosos obreiros e convertelos en escravos da patronal e das multinacionais (e mais bla, bla, bla...) Ah! xa me esquecía. a culpa, claro, é do PP e do Frijoles bla, bla, bla.