Por Galicia Confidencial | Santiago de Compostela | 14/05/2018 | Actualizada ás 14:35
Afundación, a Obra Social de ABANCA, organiza actividades interxeracionais nos seus Espazos +60 para celebrar o Día das Letras Galegas, este ano dedicado a María Victoria Moreno.
O grupo de monicreques La Tarara, conformado por socios e socias do Espazo +60 da Coruña de Afundación, ofrecerá a representación de A galiña azul e cantarán cancións ante os alumnos e alumnas da Escola Infantil Afundación Zalaeta da Coruña o vindeiro mércores 16 de maio ás 15.30 h.
Doutra banda, socios e socias do Espazo +60 Afundación de Betanzos representarán o conto A festa non faiado no CEIP Francisco Vales Villamarín ante máis de 300 escolares de educación. Será o vindeiro 24 de maio con tres sesións, ás 10.00, 11.00 e ás 12.00 h.
Estas actividades enmárcanse na liña «O valor da experiencia» da Área de Envellecemento Activo de Afundación, que ten como finalidade ampliar as oportunidades de participación e de contribución social das persoas maiores, aproveitando o seu talento e a súa experiencia vital a través de programas interxeracionais de voluntariado que beneficien a outros grupos de idade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.