O alcalde nacionalista de Pontevedra rexeita para Galicia "o independentismo importado de Cataluña"

Defende a "elección estratéxica" de Pontón como portavoz nacional do BNG, fronte ao "tacticismo".

Por E.P. | VIGO | 28/06/2018 | Actualizada ás 12:51

Comparte esta noticia

O alcalde de Pontevedra, Miguel Anxo Fernández Lores (BNG), defendeu este xoves un modelo político no que "se adopten as solucións que Galicia necesita e non as que estean de moda", e rexeitou, entre outras posicións, a "vacua consigna do independentismo importada de Cataluña".

Fernández Lores nun almorzo coloquio de Forum Europa
Fernández Lores nun almorzo coloquio de Forum Europa | Fonte: Europa Press

Así o proclamou o rexedor pontevedrés durante a súa intervención nun almorzo coloquio organizado por Forum Europa en Vigo, no que foi presentado polo avogado Nemesio Barxa, e ao que asistiron, entre outros, a portavoz nacional do BNG, Ana Pontón; varios alcaldes e concelleiros nacionalistas da provincia; empresarios; e representantes de colectivos.

O alcalde de Pontevedra apostou por un modelo para Galicia no que as políticas "se axusten ás necesidades previsibles", fronte a actuacións "sobredimensionadas" que supoñen "malgastar recursos públicos". A ese respecto, sinalou que hai "suficiente intelixencia colectiva" en Galicia para tomar decisións adecuadas, "pero isto require aprender de todo o mundo", e non aplicar o "mimetismo" ou "solucións importadas".

Nese aspecto, Fernández Lores renegou do "europeismo acrítico", da "totémica remunicipalización" cuxa viabilidade legal "ninguén demostrou", ou da "vacua consigna do independentismo importada de Cataluña". "Se nos dedicamos a copiar solucións de forma acrítica, demostraremos que non temos fe na capacidade de Galicia", sentenciou.

FUTURO DO BNG

Paralelamente ao futuro de Galicia, o alcalde de Pontevedra referiuse ao futuro do BNG, unha formación que, nos últimos tempos, "deu un cambio radical" para "centrar a súa mensaxe, e preocuparse de si mesma e non doutros". "Está a recobrar o pulso e creo que non hai alternativa ao BNG", proclamou.

A ese respecto, sinalou que a elección de Ana Pontón foi unha "decisión estratéxica" e "acertada", que contrapuxo a outras posibles eleccións "máis tacticistas" que serían "un erro estratéxico descomunal". Ademais, expresou o seu desexo de que a formación nacionalista avance "evitando cantos de sere, o tacticismo ramplón e o ideoloxismo principista".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 7 comentarios

5 Desiderio

Lores é un cabalo de Troia do españolismo racial e cañí incrustado no nacionalismo galego. O grave é que no BNG sábeno todos e tragan para garantir a colocación dos vermes que sostén ao seu redor. A decencia ten un prezo e hai quen se prostitúe barato, escandalosamente barato. Por certo, parabéns a Ledicia, alcaldesa de Moaña polo BNG, grazas por propagar o nacionalismo español coa grandeza dunha pantalla xigante para La Roja, de La Furia franquista a La Raza, "a por ellos", que estupenda continuadora do alcaldiño de Monforte, que grande é o BNG español, español, español!!!!

4 Ana de Sarria

Lores Lores... Dándonos aos demais leccións de nacionalismo pero chegan as municipais e esconde as bandeiras do nacionalismo ou defende os militares de Figueredo, Sr. Lores acaso eso non é tacticismo?.

3 sermos mantidos

Y los toros Lores, que serías tú y el BNG de Pontevedra sin la fiesta nacional! Y sin el españolismo musical, de la caspa de Bertín Osborne a Alaska, la lideresa de neofascistas! Agora a serio, pedir coerencia como nacionalista galego a Lores é imposible, trátase dun vendido. Por certo, en que língua fala a señora de Nemesio e a súa filla? Galería de postureo!

2 José

Vaia, un camaleón falando de mimetismo.

1 comunista independentista

'O alcalde nacionalista de Pontevedra rexeita para Galicia o independentismo' a secas. Para que van querer os coroneis sipaios do Bloque a independencia co ben que viven chuchando do teto de EspaÑa mentres Galiza esmorece?

1 Per

De España chuchan todos ,, os das Maareas,, os partidos catalans,, os vascos,, todos incluidos Ferrin(RAG),Beiras, Paco Rodriguez, Camilo, Pablo Iglesias, Errejon,,, o que dixo Lores é normal non podemos andar de copions

2 Galego non sometido

Troll Comunista independentista despotricando contra o Bloque, nada novo. Para independentistas xa temos grandes referentes na Galiza, os do partido "ornamental". Ah non, eles son más de rexionalismo armónico.