Unha avaría nun tren en Pontecesures obriga a trasladar por estrada aos seus 110 pasaxeiros

Unha avaría rexistrada nun tren que cubría a ruta entre Vigo e A Coruña, á altura de Pontecesures, obrigou a trasladar por estrada aos seus 110 pasaxeiros, entre os que se atopa o deputado de En Marea Marcos Cal.

Segundo informaron fontes de Renfe, o tren saíu da estación de Vigo-Guixar ás 9,45 horas e, ao seu paso por Pontecesures, sufriu unha avaría que detivo a súa marcha. O convoi debía chegar á Coruña ás 11.58 horas.

Como consecuencia do fallo técnico, Renfe está a desprazar aos 110 pasaxeiros que viaxaban no tren por estrada. Polo momento, a incidencia non afectou a máis trens.