Descuberto un almacén ilegal de arte sacra con medio centenar de esculturas en Salvaterra

A Gardia Civil descubriu no municipio pontevedrés de Salvaterra de Miño un almacén ilegal de arte sacra con medio centenar de esculturas do século XV ao XIX. O propietario do almacén foi detido como presunto autor dos delitos contra a fauna, contra o patrimonio histórico e cultural, receptación e contrabando.

Segundo avanzou o Instituto Armado, no marco da denominada 'Operación Hiposacro', realizada polo Seprona, incautáronse tamén dunha "importante cantidade de animais naturalizados" que superan os 150 exemplares de especies protexidas. Ademais, os axentes interviron numerosas pezas ou elementos etnolóxicos susceptibles de pertencer ao Patrimonio Histórico, apuntou a Benemérita.