En Marea pídelle no Día da Patria a Anova, IU e Podemos unidade e manter o "espazo aberto"

Luís Villares cre que "sería formidable" repetir a imaxe de unidade cos referentes do encontro de Compostela Aberta. No acto de Compostela estivo Mónica Oltra, de Compromís; Davide Rodríguez, de Anova; o ex de Podemos, Pancho Casal; a eurodeputada Lidia Senra ou a concelleira de Compostela Aberta Concha Fernández.

Por E.P. | SANTIAGO DE COMPOSTELA | 25/07/2018 | Actualizada ás 15:29

Comparte esta noticia

En Marea celebrou o Día da Patria este mércores, 25 de xullo, cun chamamento á unidade como "espazo aberto" e de encontro e debate político, en palabras do seu portavoz, Luís Villares, quen defendeu isto como algo compatible coa "diversidade" e os actos por separado dos partidos que integran a formación (Anova, Podemos e Esquerda Unida).

O portavoz de En Marea, Luís Villares, xunto a Mónica Oltra
O portavoz de En Marea, Luís Villares, xunto a Mónica Oltra | Fonte: Europa Press

Cun acto no parque de Vista Alegre de Santiago, a tan só uns centos de metros do que celebrou Anova, Villares valorou que "sería formidable" repetir esta xornada a imaxe que se deu no recente encontro de Compostela Aberta, onde estiveron presentes referentes deste espazo político. Previamente, sinalou o seu convencemento de que non vai a haber ruptura de En Marea.

En calquera caso, en declaracións aos xornalistas ao comezo, apuntou que o que lle "gusta" é contar con "espazos de celebración, de encontro, de debate político", onde poidan atoparse. "Desde logo, sería formidable que tivésemos esa imaxe hoxe, porque é un espazo aberto o que temos aquí hoxe, sen portas, sen cancelas, onde podemos atoparnos", subliñou.

E é que, mentres Anova desenvolvía a súa festa polo Día da Patria no parque de Galeras, Podemos facía o propio na localidade luguesa de Sarria e Esquerda Unida, en Mugardos (A Coruña). Á de En Marea, baixo unha carballeira, acudiron deputados como Davide Rodríguez, o ex podemita Pancho Casal e Paula Vázquez Verao, así como a eurodeputada Lídia Senra e a concelleira de Compostela Aberta Concha Fernández, entre outros.

Os participantes asistiron á actuación da cantante Najla Shami, seguida dun diálogo entre Villares e a vicepresidenta da Generalitat valenciana Mónica Oltra, de Compromís, que desenvolve desde este martes unha axenda de actos tanto institucionais como de partido en Galicia.

"GOBERNO Á ALTURA"

Após anularse finalmente o mitin en clave de humor previsto para ironizar sobre a confluencia, o acto de En Marea consistiu nunha comida "de fraternidade" con churrasco como prato principal e a continuación actuacións para os máis pequenos. "QUEREMOS UN GOBERNO Á ALTURA"

Villares proclamou a necesidade de contar con "un goberno á altura" da "boa xente" que durante este ano demostrou formar parte dunha "sociedade civil viva", que protestou en contra de "inxustizas" como o proxecto mineiro planeado para os concellos de Touro e O Pino (A Coruña).

Así, reivindicou que En Marea é un proxecto "que busca traballar para esa xente" e reiterou que "todo o que sexa distraerse de aí son debates que a ninguén deben interesar" e que a el non lle interesan.

"O que queremos é un goberno á altura desta boa xente que parece que vive á intemperie porque non ten un goberno digno", resaltou, con alusións ao "latexo" da "nación que non se resigna ante as inxustizas".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

1 Marcha can!!

É moi duro falar de unidade popular e xuntar menos xente en Vista alegre ( en Marea), Galeras ( Anova), Sarria ( podemos) e Mugardos ( Izquierda Unida de España) q a q Xunta Galiza Nova en Bonaval. A coxuntura da crise doulles votiños , votos q escapan dos partidos de sempre. Votos q veñen e van porque o tempo pon a cadaquen no seu sitio. O único q teñen en común está xente é o poder, a 15 minutos de pechar unhas listas sempre se poñen de acordo. Tiveron unha oportunidade de ouro e non a aproveitaron. É mellor morrer q pensar nesta xente en clave de futuro...

1 Messi

Jajaaja. Si home si. Ti si que sabes, o futuro vai estar representado por Goretti San Martín en Santiago ou Luis Seara en Ourense. Queredes manter o control sobre o nacionalismo e coido que os nacionalistas pasamos de profesionais da política como Ana Ponton, Lobeira ou Luis Seara

2 Un galego

Messi, Messi, tu non es nacionalista. Non sexas mentireiro. A maioría dos nacionalistas que se desprazan para festexar algo están na Quintana. Xa sei que non todos pero a maioría si. Outra cousa sonche os votos pero eses veñen e van. E vanse moi facilmente porque a maiorîa nin son nacionalistas nin nada, simplemente foilles mal e dan patadas onde poden.

3 Coruxás

Aos nacionalistas foilles ben? Será aos mantidos presebristas, con Ana Pontón na cabeza dos samesugas! Na Quintana dos Mortos estaban os rexionalistas entregados ao españolismo PsoE, en Bonaval os soberanistas!