Por Galicia Confidencial | O Grove | 01/08/2018 | Actualizada ás 13:59
O BDRI, o Instituto para o Estudo dos Golfiños Mulares, con sede no Grove, volve abraiarnos con novas imaxes, desta vez submarinas, dun exemplar de balea azul alimentándose nas augas de Galicia.
Os científicos do BDRI avistaron a semana pasada un exemplar xuvenil de Balaenoptera musculus á altura da costa de Cariño, ao que están facendo un seguimento. Este novo avistamento levaría a pensar que a presenza de baleas azuis en augas galegas non é algo casual e anecdótico e estarían achegándose á nosa costa para dar conta dun bo banco de alimentos que para elas é un paraíso.
De feito, os científicos están investigando a chegada de varias baleas azuis desde o outono do pasado ano fronte a Galicia. E esta é a primeira gravación submarina que se fai do animal máis grande do mundo nas nosas augas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.