Abel Caballero sobre o rapeiro Yung Beef: "Ninguén que fai letras denigrando ás mulleres vai actuar en Vigo"

O alcalde de Vigo falou así sobre a actuación do artista de "trap" que xa foi cancelada logo dun incidente no Atlantic Fest.

Por E.P. | VIGO | 02/08/2018 | Actualizada ás 17:41

Comparte esta noticia

O alcalde de Vigo, Abel Caballero, afirmou este xoves de forma tallante que ningún artista que "faga letras atacando, denigrando ou insultando ás mulleres" poderá actuar nun espazo público na cidade: "Nunca, mentres eu sexa alcalde".

O alcalde de Vigo,  Abel Caballero.
O alcalde de Vigo, Abel Caballero.

Así de rotundo se manifestou, preguntado polos medios sobre o cantante de 'trap' Yung Beef, cuxa actuación no festival 'O Marisquiño' foi cancelada tras protagonizar un incidente violento no Atlantic Fest. Trala devandita cancelación, o 'trapero' arremeteu contra o alcalde e contra o 'Marisquiño'.

"Non sei quen é ese cantante. Refírense ao que fai letras atacando ás mulleres?", ironizou Abel Caballero, quen proclamou que, mentres goberne en Vigo, non tolerará "actuacións de individuos que insultan, denigran e faltan ao respecto ás mulleres" en espazos públicos e, se pode evitalo, "tampouco en ningún espazo privado".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta