Román Rodríguez cualifica de "atentado cultural" as pintadas nunha imaxe da Catedral de Santiago
O conselleiro de Cultura explicou tamén que a sanción pode chegar aos 150.00 euros. Revisan cámaras para atopar ao autor, que se expón a unha multa de até 150.000 euros, despois de pintar uns bigotes a emulación do grupo Kiss.
Por E.P. | SANTIAGO DE COMPOSTELA | 06/08/2018 | Actualizada ás 15:40
Unha escultura do século XII da fachada románica de Praterías da Catedral de Santiago de Compostela sufriu este luns un acto vandálico cunha pintada coa palabra Kiss escrita en azul e uns bigotes a emulación dun dos membros deste grupo de rock. O autor exponse a unha sanción ao redor de 6.000 e 150.000 euros, xa que se contempla como "unha infracción grave" na lei de patrimonio cultural, segundo explicou o conselleiro de Cultura, Román Rodríguez.
Así, o conselleiro cualificou este luns o acto como un "auténtico atentado cultural", de forma que ao autor aplicaráselle "coa maior contundencia posible" a lei. Así mesmo, o director da Fundación Catedral, Daniel Lorenzo, informou fronte á pintada de que os técnicos restaurarán a peza esta tarde. Pola súa banda, o alcalde de Santiago de Compostela, Martiño Noriega, resaltou que "fronte a este tipo de actuacións" a administración é "intolerante", porque afectan o patrimonio, "a razón de ser da cidade". Tamén, mandou unha mensaxe á cidadanía para pedir "civismo" e "respecto" ao patrimonio.
RESTAURACIÓN
A súa repercusión sobre a peza non será "tan grave", xa que se espera que se poida limpar sen danos para a escultura, e o custo da súa restauración "non será elevado", debido a que usarán máquinas de raios láser que teñen á súa disposición grazas á restauración que se fixo do Pórtico da Gloria, segundo apuntou Lorenzo.
Aínda que este acto é "absolutamente reversible", o consellerio insistiu que "é importante" que "o conxunto de sociedade asuma a conciencia da preservación do patrimonio cultural", "non só como unha fonte de identidade e cultura, senón tamén como unha fonte importantísima de recursos económicos". Esta figura de máis de 800 anos data da época na que o arcebispo Xelmírez estaba á fronte da diocese en Santiago. Está situada nunha columna de mármore e Daniel Lorenzo defínea como "moi relevante". Ao formar parte dun conxunto patrimonial histórico, Lorenzo sinala que é "imposible de valorar", con todo agarda que se restaure "sen demasiados problemas".
INVESTIGACIÓN
Agora as forzas e corpos de seguridade, tanto Policía Nacional como Policía Local, traballan na investigación e están a estudar as imaxes das cámaras municipais e da Catedral da zona afectada, segundo explicou o conselleiro. E é que ao longo do mes de xullo e agosto está activado un dispositivo especial de colaboración entre a Policía Nacional e a Local. Ademais, houbo un aumento da presenza de patrullas no caso histórico, aínda que "é imposible asegurar un control absoluto", segundo sinalou Noriega. Todo iso, mentres a Catedral de Santiago acumula anos de diversas obras de restauración. Recentemente retiráronse as estadas da fachada da Praza do Obradoiro e abríronse ao público de novo as visitas ao Pórtico da Gloria.
COLABORACIÓN CIDADÁ
A Policía Nacional pediu colaboración cidadá este luns para localizar ao autor do acto vandálico realizado nunha escultura da Catedral de Santiago. A través das redes sociais, a Policía apela a que aqueles que saiban algo chamen ao 091, á vez que lembra que estas pintadas "son delito" ademais de "unha falta absoluta de respecto ou civismo".
