Por Galicia Confidencial | Santiago de Compostela | 11/08/2018 | Actualizada ás 13:00
Aínda que estamos en pleno agosto, o tempo avanza máis rápido do que pensamos. Nunhas semanas volveremos á actividade e haberá que afrontar novas situacións como a volta ao colexio, que leva asociados unha serie de gastos, moitas veces difíciles de aforntar. Se non se dispoñen de aforros, a situación pódese complicar. É o momento de buscar fontes de financiamento alternativas como os préstamos rápidos online, unha "forma sinxela de saír do apuro" que gañou popularidade durante a crise económica.
COMO SOLICITALOS?
O primeiro é localizar unha web de préstamo de confianza e especificar dous conceptos básicos: a cantidade que se necesita e o prazo de tempo en que se vai a devolver. Polo xeral, as entidades de préstamo poñen un tope máximo para os clientes novos duns 300 euros. Se o solicitante reembolsa o diñeiro na data acordada, pódense solicitar despois préstamos máis altos. En canto aos prazos de devolución, o máximo sitúase en torno os 30 días, pero pódense negociar períodos máis dilatados. Aínda que cómpre ter presente que, a maior prazo, máis intereses. Por iso interesa liquidar o préstamo canto antes. A maioría de solicitantes establece como día de reembolso a data posterior ao cobro da nómina.
Ao introducir a cantidade e o día de retorno do préstamo, o sistema ofrecerá un resultado exacto do diñeiro que se deberá devolver, incluídos os intereses. Despois, haberá que encher un formulario cos datos persoais e o número de conta. Tamén é necesario anotar os ingresos familiares, pero non fan falta nóminas nin xustificantes.
A avaliación dos candidatos é automática. Se o sistema non detecta ningún impedimento, o pago será practicamente instantáneo. Os responsables das empresas de crédito e as asociacións de consumidores recomendan unha actitude responsable á hora de solicitar un préstamo persoal: se unha persoa non ten capacidade económica para devolver a axuda, é mellor que se absteña de solicitala.
O ORZAMENTO
O orzamento varía en función do centro escolar e do tipo de estudos, pero en canto á educación primaria é o mesmo.
Libros e materiais
Segundo as previsións das asociacións de consumidores, as familias gastarán unha media de 400 euros por neno en libros, materiais de papelería, mochila... Aínda que moitas veces o orzamento redúcese, xa que moitas escolas promoven reaproveitar os textos.
Roupa e uniformes
Doutra banda, nalgúns centros de ensino é obrigatorio o uso de uniforme. O rango de prezos é amplo e pode ir desde os 130 euros ata os 200 en función do centro. Logo habería que engadir o calzado, que podería roldar os 50 euros. E aínda nos centros públicos, que non esixen uniforme, haberá que comprar algunha peza de roupa e pezas para deporte. O que pode engrosar o orzamento polo menos 150 euros.
Matrículas
En canto ás matrículas, o abanico de prezos pode ser moi amplo. Os centros públicos non pagan matrícula e nos privados e concertados a cifra varía. Segundo a Organización de Consumidores e Usuarios, a matrícula nun centro privado costa de media uns 700 euros, mentres que nun concertado non chega aos 170. A isto haberá que engadir as mensualidades: as cotas nun colexio privado poden roldar os 400 euros e nun concertado sitúanse ao redor dos 130.
Pero os gastos iniciais son só o punto de partida, a ese orzamento hai que engadir despois conceptos como as cotas do AMPA (asociacións de pais), as actividades extraescolares, o comedor e o transporte. Se facemos un cómputo xeral, o resultado é avultado e varía moito en función do centro. Nunha escola pública, o gasto mínimo por neno na educación obrigatoria sería duns 850 euros, aínda que a media achégase aos 1.200. No caso das escolas concertadas, o orzamento ascende aos 1.800 euros anuais e se falamos de colexios privados a cifra dispárase ata os 4.000 de media.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.