Detido en Vigo un taxista ebrio que causou danos a catro coches aparcados

Axentes da Policía Local de Vigo detiveron un home de 59 anos de idade, J.G.F., veciño da cidade e condutor dun taxi con licenza doutro municipio próximo, como presunto autor dun delito contra a seguridade viaria ao circular baixo os efectos do alcol.

Segundo informaron fontes policiais, os feitos tiveron a última hora da tarde do martes, cando unha testemuña alertou ao 092 de que un taxista en estado de embriaguez, cando circulaba pola Avenida de Cesáreo González, saíra da vía e impactara contra varios coches aparcados.

Unha vez no lugar, os axentes comprobaron que o causante do sinistro era un taxista, que causara danos en catro coches estacionados. Cando se lle requiriu para que se sometese á proba de alcoholemia, o condutor insultou aos policías e aos transeúntes, e chegou a encararse cun dos axentes, ao que tentou agredir.

Tras ser detido, realizóuselle o test de alcoholemia, que deu resultado positivo, por encima da taxa máxima de alcol permitida.