Os aeroportos da Coruña e Vigo aumentan os pasaxeiros fronte ao descenso do de Santiago

Máis de medio millón de persoas utilizaron o pasado mes o tres terminais galegos, segundo datos de Aena.

Por E.P. | A CORUÑA | 13/08/2018 | Actualizada ás 14:13

Comparte esta noticia

Os aeroportos da Coruña e Vigo rexistraron no mes de xullo un incremento do 6,1% e o 3,7%, respectivamente, respecto ao mesmo período do ano anterior, no número de pasaxeiros, fronte ao descenso do 2,3% contabilizado no de Santiago, segundo datos facilitados por Aena. En total, 500.094 pasaxeiros utilizaron os aeródromos galegos o pasado mes.

Avión de Iberia. IBERIA - Archivo
Avión de Iberia. IBERIA - Archivo | Fonte: Europa Press

Aínda que o de Lavacolla foi o que rexistrou un maior número de viaxeiros, un total de 265.768, foi o único que rexistrou un descenso, un 2,3% menos que en xullo de 2017. Polo de Vigo, pasaron 117.252, un 3,7% máis e polo da Coruña, 117.074, un 6,1,% máis.

Destes pasaxeiros, 116.236 utilizaron en Alvedro voos comerciais: 102.904 en traxectos nacionais, un 5,8% máis que en 2017, e 13.332 en traxectos internacionais, un 8,5% máis. En canto ás operacións, en Alvedro rexistráronse 1.732 voos en xullo (un aumento do 22,7%), dos cales 941 foron voos comerciais.

Destes movementos, 793 foron operacións nacionais e 148 internacionais. O tráfico de mercadorías moveu na terminal coruñesa 17 toneladas durante o mes de xullo, un 13,1% máis. Mentres, no que vai de ano, pasaron pola terminal coruñesa 701.791 pasaxeiros, un 7,1% máis que no mesmo período do ano 2017. Ademais, movéronse 9.883 aeronaves e máis de 87 toneladas de carga.

SANTIAGO, O DE MÁIS PASAXEIROS

Pola súa banda, o aeroporto de Santiago rexistrou no que vai de ano un total de 1.565.139 pasaxeiros, un 3,7% máis que no mesmo período de 2017. Entre xaneiro e xullo, 12.537 voos aterraron ou despegaron das instalacións compostelás, un 1,6% máis. Ademais, a terminal de carga manexou durante este período máis de 1.778 toneladas de mercadorías, un 19,1% máis.

En canto ao mes de xullo, 265.768 pasaxeiros pasaron pola terminal compostelá, dos que 265.492 usaron voos comerciais (189.785 en voos nacionais e 75.707 en voos internacionais). Un total de 2.090 operacións rexistráronse o pasado mes en Lavacolla. Ademais, desde a terminal de carga movéronse máis de 263 toneladas de mercadorías, o que supón un incremento do 13,5% con respecto ao mesmo mes de 2017.

VIGO, O MELLOR DATO EN MERCANCIAS

No caso de Vigo, dos 117.252 pasaxeiros que utilizaron esta terminal, un total de 117.062 foron pasaxeiros que realizaron voos comerciais. Deles, 100.434 fixérono en traxectos nacionais e 16.628 en rutas internacionais. En canto ás operacións, rexistráronse en xullo 1.301 voos, un 3,4% máis, dos cales 1.097 foron voos comerciais.

Destes, 835 movementos foron operacións nacionais e 262 internacionais. En canto ao transporte de mercadorías, no aeroporto movéronse o pasado mes máis de 345 toneladas (+476,8%), superando nun só mes as cifras rexistradas no primeiro semestre do ano. No que vai de ano pasaron polo aeroporto de Vigo 621.432 pasaxeiros, un 4% máis que no mesmo período do ano pasado. As operacións ascenderon a 7.058 movementos (1,5%) e en carga movéronse máis de 669 toneladas (+ 118,2%).

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta