Por E.P. | VIGO | 15/08/2018 | Actualizada ás 11:42
Un total de seis persoas continúan ingresadas a consecuencia do accidente ocorrido durante a celebración do festival O Marisquiño no Porto de Vigo. Catro delas permanecen no Hospital Álvaro Cunqueiro (HAC), unha en Povisa e outra no Complexo Hospitalario Universitario de Santiago (CHUS).
Diso informou a Consellería de Sanidade, que explicou que, até a actualidade, foron atendidas nos distintos dispositivos asistenciais un total de 456 persoas, que resultaron feridas de distinta consideración no accidente.
Por centros, 206 pacientes atendéronse no HAC, 64 na PAC de Vigo, catro na PAC de Redondela, 109 en Povisa, 26 en Fátima, 11 no Hospital Montecelo, sete no O Castro, unha en Concheiro, catro en Domínguez e 24 no punto de atención do 061.
A Consellería de Sanidade agradeceu o traballo dos profesionais do 061 e dos PACs e hospitais, e sinala que no Hospital Álvaro Cunqueiro reforzouse o persoal para atender a todos os accidentados.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.