Máis de 100 hectáreas ardidas en Monterrei
Segundo datos achegados pola Consellería de Medio Rural, súa extinción "evoluciona favorablemente".
- Continúa activo o incendio de Monterrei mentres os medios aéreos volven reincorporarse
- Medios aéreos reincorpóranse á extinción do incendio nas proximidades da A-52 en Monterrei (Ourense)
Por E.P. | OURENSE | 30/08/2018 | Actualizada ás 13:18
O incendio forestal que se iniciou na tarde deste mércores no municipio ourensán de Monterrei supera xa as 100 hectáreas afectadas, aínda que a súa extinción "evoluciona favorablemente", segundo os últimos datos achegados pola Consellería do Medio Rural.
A zona da cabeza do incendio xa se cortou e durante a mañá estívose traballando nun flanco, precisou a Consellería a Europa Press. O feito de que o vento remitise no lugar tamén está a facilitar as tarefas de extinción. Desde o inicio do incendio, ás 17,54 horas na parroquia de Vilaza, interviñeron dezaoito axentes, 39 brigadas, 17 motobombas, 2 pas e dous técnicos, en canto a medios terrestres.
Os medios aéreos reincorporáronse á primeira hora da mañá deste xoves. Até o momento, traballaron na zona un total de 12 helicópteros e catro avións. Na extinción do lume resultou ferido un axente forestal, que xa foi dado de alta.
