Por E.P. | SANTIAGO DE COMPOSTELA | 01/09/2018 | Actualizada ás 16:52
O presidente da Deputación de Lugo, Darío Campos Conde, e o vicepresidente e alcalde da Fonsagrada, Argelio Fernández Queipo, entregaron este sábado no mercado gandeiro da localidade lucense os premios XLIII Concurso-Exposición de gando vacún, no que participaron nesta edición 60 reses e repartíronse case 4.500 euros en premios.
Nun comunicado que recolle as intervencións no acto, Fernández Queipo resaltou que "este certame consolidou á Fonsagrada como referente da produción gandeira da provincia" e "supón un importante impulso para a economía do propio concello e dos limítrofes".
"Non hai que esquecer que Galicia é a terceira comunidade española en produción de carne de vacún, e que a nosa provincia (Lugo) ocupa o primeiro posto no ranking galego e o terceiro en España", sinalou o vicepresidente da Deputación.
Así mesmo, explicou que este certame, que cumpre 43 edicións, está "plenamente consolidado no calendario de feiras da provincia" e, ademais, "contribúe a impulsar a produción e comercialización dos produtos autóctonos", con "case 30 postos nos que se pode comprar produtos gastronómicos ou pezas de artesanía", na praza do concello.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.