O desentullo da zona afectada pola explosión pirotécnica de Tui custará case 3,2 millóns de euros

O Concello pide ao Goberno central que asuma o custo, cumprindo así o "compromiso público" adquirido por Pedro Sánchez

Por E.P. | SANTIAGO DE COMPOSTELA | 08/09/2018 | Actualizada ás 15:43

Comparte esta noticia

O desentullo da zona afectada pola explosión dunha pirotecnia ilegal en Paramos en Tui (Pontevedra) o 23 de maio terá un custo de 3.194.772 euros e un prazo de execución de tres meses. Así figura no proxecto presentado este sábado no Concello por parte do alcalde de Tui, Carlos Vázquez Padín, o xerente urbanístico, Rubén Vázquez, e o arquitecto redactor do proxecto, Francisco Valle Rubín.

Cascallos após a explosión de Tui en Paramos, que deixou arrasou vivendas. EUROPA PRESS - Archivo
Cascallos após a explosión de Tui en Paramos, que deixou arrasou vivendas. EUROPA PRESS - Archivo | Fonte: Europa Press

O proxecto será entregado o luns na Subdelegación do Goberno de Pontevedra, co obxectivo de que sexa o Goberno central o que se encargue de executalo.

Carlos Vázquez Padín, lembrou neste sentido que "hai un compromiso público por parte de Pedro Sánchez, con motivo da reunión que mantivo co presidente da Xunta, de asunción económica" desta intervención.

"Hai un compromiso público —en referencia á asunción do custo do desentullo— e nós estaremos pendentes, non temos ningunhas ganas de pelexa nin de lea entre institucións, somos unha administración pequena, que necesitamos as axudas dos demais para sacar este tema adiante", remarcou.

En todo caso, as cifras económicas do desentullo son inferiores ás "cantidades astronómicas" que se estimaron inicialmente, debido a que xa nos últimos dous meses traballouse nunha primeira fase de eliminación de amianto, de frigoríficos e produtos putrefactos e de descontaminación, segundo explicou Vázquez Padín.

A esta intervención, xunto a dirección e proxecto de obra, a administración local destinou ao redor de 348.000 euros, máis outros 59.000 do proxecto, que o alcalde confía en que sexan tamén asumidas polo Goberno central.

PROXECTO DE DESENTULLO

Os obxectivos do proxecto inclúen a reconstrución das edificacións danadas, a consolidación da mampostería e sillerías antigas, o desentullo da zona e o transporte de residuos ás instalacións autorizadas e o arranxo dos muros de peche e portas.

As vivendas que terán que ser reconstruídas son un total de 31, das que 24 edificacións están dentro do perímetro denominado 'zona cero' e 7 fóra del.

Entre oito e dez vivendas terán que ser demolidas e construídas de novo, mentres que o resto poderán ser reconstruídas en parte ou totalmente, segundo informou o Concello. No caso dalgunhas parcelas, chegouse a un acordo entre propietarios para unilas e redistribuír a súa superficie para facilitar a reconstrución.

Os traballos previos a este proxecto consistiron na retirada de materiais proxectados pola explosión, que se atopaban repartidos nunha área de 60.000 metros cadrados. Tras terminar esta fase, a denominada 'zona cero' quedou acoutada cunha superficie final de 25.000 metros, unha redución que permitiu centrar o plan de desentullo.

Desde o Concello destacouse que para a realización da planimetría a empresa contratada utilizou unha tecnoloxía punteira. Usáronse drones para tomar referencias desde o aire e marcáronse, con puntos sobre o plano, cada unha das edificacións, muros e volumes de todo tipo para crear unha nube de puntos, que se poden visualizar en tres dimensións.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 inseguridade cidada

foi moito o que pasou ou non??? e onde escomenza as responsabilidades do xefe de sala do 112, o rueda valenciana? tanto falar do marisquiño e anda que non teñen aquí "masa critica descontrolada absolutamente" un señor que facia o que quería que tiña almacenada polvora ilegalmente e non e peque-nas cantidades, que descontrol!!!! un-ha explosión escoitada incluso na alfandega portuguesa, un fugo ergueito no ceo como si fose un-ha explosión nuclear, un-ha xentiña abandoada a sua sorte, a que esperan a que chova e o resto das casas rematen arruinadas, agora vexan os cidadans galegos o que pasa a seguridade que temos e como "resolven" o problema as autoridades "incompetentes" que non resolven nada, estanse a rir na cara do pobo... POR CERTO AQUI NINGUEN ESPERA NIN AS MAREAS NIN A PODREIROS A XENTE SABE QUE VIVEN DO CONTO!!!! tratades a xente pior cunha dictadura!!!! políticos sinvergonzas