Santos non disolverá Podemos Galicia dentro de En Marea e di que o Consello non representa "a unidade"

A secretaria xeral de Podemos Galicia, fixa para decembro ou xaneiro o anuncio das candidaturas municipais, para as que Podemos mantén un diálogo "positivo" con outras formacións.

Por E.P. | SANTIAGO DE COMPOSTELA | 23/09/2018 | Actualizada ás 14:57

Comparte esta noticia

Carmen Santos, rexeita "disolver" a formación morada para integrarse en En Marea como "partido único" no proceso de renovación do Consello das Mareas --máximo órgano de decisión entre plenarios--, sobre o que critica que "dificilmente" vai representar "a unidade" se "non están" nel as forzas que impulsan o partido instrumental. Así o expresa Santos este domingo durante unha entrevista concedida a Radio Nacional de España. No contexto dun proceso de renovación impulsado pola mesa da confluencia --iniciativa que parte de Compostela Aberta--, dixo que Podemos "vai traballar" para estar no Consello "como organización política", pero "non para desaparecer".

A secretaria xeral de Podemos Galicia, Carmen Santos. Europa Press - Archivo
A secretaria xeral de Podemos Galicia, Carmen Santos. Europa Press - Archivo | Fonte: Europa Press

"É dificilmente explicable que unha dirección dun conxunto unitario de organizacións, partidos e persoas individuais digan que son a unidade se falta na cúpula a xente elixida democraticamente. Se non están nesa dirección Esquerda Unida, Anova nin as tres mareas municipais, que é En Marea entón?", pregúntase. No entanto, a secretaria xeral de Podemos Galicia lembra que "sempre foron claros" coa integración da unidade popular nun partido instrumental, unha "ferramenta xurídica" coa que se presentan ás eleccións pero que "non era" a que querían. "Pero á cidadanía non lle interesa a fórmula idónea, porque o que queren ver é políticas e unidade", engade.

Precisamente sobre a concorrencia conxunta aos comicios municipais de maio de 2019, Santos di que Podemos mantén "un diálogo fraterno e positivo" co resto de formacións integradas en En Marea que, espera, "estea bastante avanzado" para decembro ou xaneiro. O obxectivo, explica, é formar "gobernos de cambio" con candidaturas "o máis amplas posible".

RESPONDE A CABALLERO

Ademais, a tamén deputada do Parlamento galego responde as críticas realizadas este sábado polo secretario xeral do PSdeG, Gonzalo Caballero, quen subliñaba a "debilidade" dos gobernos municipais de Santiago, Ferrol e A Coruña. Neste asunto, Santos convídao a ser "moito máis prudente" despois do accidente do Marisquiño ocorrido o pasado mes de agosto en Vigo, no que resultaron feridas máis de 400 persoas, e do cal responsabiliza tanto á Xunta como ao Concello olívico.

Así, insta a Gonzalo Caballero a "contrapor" as condicións de seguridade dos concertos en Vigo ás dos eventos "nos municipios das mareas", posto que entre ambos, incide, "hai un abismo". "Hai unha comisión parlamentaria aberta sobre O Marisquiño, entón creo que os gobernos das mareas fan moitas cousas ben que en Vigo non se fan", replica a secretaria xeral de Podemos Galicia. Respecto diso das críticas do líder do PP galego e presidente da Xunta, Alberto Núñez Feijóo, sobre a xestión do rupturismo nos concellos, Santos lembra a lexislatura de 2011 a 2015 en Santiago, onde houbo un total de tres alcaldes populares con "case un goberno municipal ao completo imputado por corrupción".

CEN DÍAS DE PEDRO SÁNCHEZ

Preguntada sobre os máis de cen días que leva á fronte do Executivo central Pedro Sánchez, con apoio, entre outros, do grupo confederal Unidos Podemos-En Comú Podem-En Marea, Carmen Santos apela a que o obxectivo "principal" da moción de censura contra Mariano Rajoy "era sacar do Goberno a un partido corrupto". "Cen días despois, parece que ese obxectivo está cumprido", sentenza.

Como socios do novo Goberno socialista, Santos advirte que "a boa xestión" tamén está "obrigada" por eles no Congreso: "As pensións, que aínda se poden subir máis, non as sobe o Goberno de Sánchez, sóbeas obrigado polo grupo confederal". A continuación, afirma que o "verdadeiro éxito" é que o Executivo central "faga as súas medidas" subindo o salario mínimo, derrogando a reforma laboral ou baixando a factura da luz e creando unha lei electoral "máis proporcional", entre outras.

A AVE EN GALICIA

Así mesmo, a secretaria xeral de Podemos Galicia rexeita que a formación morada fale de "paralizar" a chegada da AVE á Comunidade galega, algo do que lles responsabiliza o PP. En relación con iso, tacha esta cuestión de "chistosa" e "esperpéntica".

"Levamos 30 anos sen AVE. Pasaron gobernos do señor Felipe González, de José María Aznar, de Mariano Rajoy, que é galego. Estiveron na Xunta o señor Fraga, o señor Touriño, Feijóo... E agora resulta que os responsables de que non veña a AVE a Galicia é do grupo confederal Unidos Podemos", censura. No entanto, Santos defende "priorizar" sobre a alta velocidade o gasto nunha liña ferroviaria de proximidade en Galicia "á altura" doutras zonas como Madrid, País Vasco ou Barcelona, fronte ao "modelo de xestión dos 'mortadelos' do PP".

TESE DE SÁNCHEZ

Sobre a polémica en torno ao plaxio da tese de Pedro Sánchez e o 'Caso Máster' que apunta á Universidad Rey Juan Carlos, a secretaria xeral de Podemos Galicia lamenta o "dano" que se produce á "dignidade" das universidades e "á moral" da mocidade que paga "honradamente" os seus estudos Neste ámbito, Santos di "non entender" o "xiro" de discurso do presidente do PP, Pablo Casado, quen, despois de que a Fiscalía Xeral do Estado . exeitase investigar a obtención dos seus títulos, anunciou que "xa non ía opinar" sobre a tese do presidente do Goberno. "Non sei se existe un acordo (entre PP e PSOE), pero raro é. A min que me expliquen de onde vén ese xiro", sentenza.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

3 Agencias

Acabo de botar as cartas e sae que os mareantes de Cerna e os mariscantes do Podemos van ir por separado pero xuntos. Alí onde haxa mamandurria asegurada pactarán. Alá onde non hai moito que rascar, cada can lamberá o seu.... e cada cadela a súa.... Os de Anova van ir divididos e os de IU non pintan nada. Buscarán acomodo mamandurrial para as chupacarguiños e a rañala.

1 Fran Correa

Cada vez parécense máis ao BNG. Tampouco é novidade: obedecer á UPG ou al PcE pouco diferenza fai. E vanse acomodando, modelo PPsoE. Todo pola pasta!

2 Ferriño

Decide non participar e di que non será representante de todas O Consello ed EM que se elixa. Mimá, que nivelaso!

1 Gamela

O día que desbloquee a miña conta de twitter igual recibe un tuit de Pablo Iglesias para achegarse a Galapagar a resolver a situación electoral en Galicia ? https://i.gal/gamela07 Mentras a ver que argalla "fraternalmente" con Rubén e Eva Solla que seica van ser os próximos Villares de En Marea ?