Detido en Xinzo por golpear cunha pa na cabeza a dous veciños

A Garda Civil detivo no municipio ourensán de Xinzo de Limia a un home acusado de golpear cunha pa na cabeza a un veciño e ao irmán deste.

Segundo a información dos axentes, o home, M.P.P., e 58 anos, foi detido a última hora do sábado día 29, na parroquia de Soutelo, acusado dun delito de lesións graves.

En concreto, está acusado de golpear cunha pa na cabeza a un dos seus veciños, de 65 anos, ao que causou un corte polo cal necesitou asistencia sanitaria e a colocación de 10 grapas. Do mesmo xeito, supostamente golpeou tamén a un irmán da vítima, de 57 anos, ao que causou feridas leves.