Por E.P. | SANTIAGO DE COMPOSTELA | 01/10/2018 | Actualizada ás 12:12
O número de hipotecas constituídas sobre vivendas inscritas nos rexistros da propiedade situouse en 973 en xullo en Galicia, un 15,4% máis que no mesmo mes de 2017, de acordo cos datos que publica este luns o Instituto Nacional de Estatística (INE).
Este incremento é lixeiramente superior ao aumento do 14,6% de media en España. Nun mes no que só hai unha baixada de tres autonomías, a subida galega sitúase como a novena en progresión. As hipotecas volven a terreo positivo na Comunidade galega após a caída de xuño (-4,1%). Con todo, estas 973 hipotecas son menos que as 1.005 de xullo (-3,2%).
O capital prestado en xullo ascendeu a 93,9 millóns de euros, o que supón un 14,6% máis que no mesmo mes dun ano antes, pero un 5,6% menos que en xullo.
LEIRAS
En total, a Comunidade galega rexistrou en xullo 1.466 firmas de hipotecas sobre leiras rústicas e urbanas, por 150,2 millóns de euros.
As constituídas sobre rústicas, 62, supuxeron 6 millóns (todas menos unha subscribíronse en bancos), mentres que as creadas par urbanas, 1.404, tiveron un capital de 144 millóns.
En canto ás urbanas, dividíronse entre as 973 hipotecas sobre vivendas, 20 solares (2,4 millóns) e 411 sobre leiras doutro tipo (47,8 millóns). Foron 1.351 asinadas en bancos (139 millóns) e 53 doutras entidades (por 5 millóns).
CANCELACIÓNS E CAMBIOS
Doutra banda, houbo 1.455 cancelacións de hipotecas en Galicia: 38 que afectan a leiras rústicas, 985 a vivendas, 18 a solares e 414 a outras urbanas. Case todas (1.353) tiveron que ver con operacións subscritas con bancos.
Por último, houbo 164 cambios rexistrais: 155 novacións e 9 subrogaciones do acredor. Por natureza de leira, as modificacións correspondéronse fundamentalmente con urbanas (155), 115 delas foron en vivendas e 9 en rústicas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.