Feijóo ratifica que comparecerá na comisión de investigación sobre a sanidade pública

O presidente da Xunta, Alberto Núñez Feijóo, ratificou a súa solicitude de comparecer na comisión de investigación sobre a sanidade pública forzada polos grupos da oposición no Parlamento de Galicia.

En referencia á oposición, precisamente, o máximo mandatario autonómico considerou que facer que a xente crea que "vive no peor dos mundos" é o "alimento da frustración", un sentimento que definiu como "o combustible desas organizacións".

"É necesario ser xustos con Galicia", manifestou nunha intervención durante o debate de política xeral na que destacou que "Galicia é un dos territorios con mellores servizos públicos".