Alerta laranxa na Costa da Morte por temporal con ondas que poderían chegar a seis metros
A Axencia Estatal de Meteoroloxía (AEMET) decretou o aviso laranxa na metade sur da costa da Coruña debido ao temporal de vento, ondada e choiva que afecta o litoral de Galicia.
Por E.P. | SANTIAGO DE COMPOSTELA | 12/10/2018 | Actualizada ás 13:15
Elevado a laranxa o aviso na Costa da Morte a partir do mediodía deste venres, nivel que se manterá nesta zona ao longo de toda a xornada ante a previsión de mar combinada de compoñente oeste e suroeste con ondas que poderían alcanzar o seis metros e ventos de forza sur suroeste de forza sete.
O resto do litoral galego permanece en aviso amarelo por fenómenos costeiros por vento de sur ou suroeste de forza 7 e mar combinada de oeste ou suroeste de 4 a 5 metros. Ademais, o interior das provincias de Lugo e A Coruña tamén están en aviso amarelo por choivas e vento.
A Xunta lembra a importancia de manterse afastado da liña de costa, como diques, rompentes ou paseos marítimos. Ademais, recomenda estremar as precaucións nas actividades desenvolvidas no mar e revisar os amarres das embarcacións.
