Unhas 50 persoas participan na procura do home de 72 anos desaparecido en Silleda (Pontevedra) o pasado xoves

Ao redor dunhas 50 persoas participan na mañá deste sábado no dispositivo de procura de Julio Félix Fernández, o home de 72 anos da parroquia de Saídres, en Silleda (Pontevedra), que permanece desparecido desde o pasado xoves.

A procura do septuaxenario, que padece alzhéimer, retomouse á primeira hora do sábado, segundo fontes do dispositivo, que está coordinado pola Garda Civil e no que colaboran Policía Local, os drons da Axega, Protección Civil e veciños da zona.

A familia do home denunciou a súa desaparición no mediodía do xoves, logo de que non volvese a casa após saír a dar un paseo. A procura céntrase nos arredores da parroquia onde reside, Saídres.

No momento da desaparición, segundo a descrición achegada pola súa familia, vestía pantalón vaqueiro negro, xersei verde escuro e zapatos de cor marrón.

Así, un veciño da zona asegura ver ás 13,00 horas do día da súa desaparición a Julio Félix, co que chegou a interactuar. Deste xeito, en base a este testemuño, o equipo de coordinación dividiu en cuadrículas a área de procura para repartir os efectivos.