Feijóo insiste en culpar ao Goberno de Sánchez por non prever os despidos en Alcoa

"Levamos dez anos falando cos directivos de Alcoa e sempre atopamos unha solución. É a primeira vez que se notifica unha decisión de este calibre --despidos-- e que o Goberno central non estaba ao tanto". O presidente galego repetiu, novamente, o argumento que este mércores deu sobre o posible peche das plantas da multinacional estadonidense na Coruña e en Asturias. "Nós sempre tivemos contactos con Alcoa con gobernos anteriores. Se negociaba e se chegaban a acordos", repetiu.

Feijóo lembrou que esta multinacional "sempre se queixou do prezo da enerxía" pero sempre había negociacións. "Eu lembro que os ministros Soria ou Nadal e mesmo Rajoy tiveron que intervir para solventar estes problemas", indicou na rolda de prensa posterior ao Consello da Xunta para tentar sinalar que, nesta ocasión, o problema está no Goberno de Pedro Sánchez, que "non sabía nada". Tampouco a Xunta, como confirmou Feijóo, estaba ao tanto desta decisión.

En todo caso, apostou por facer unha fronte común para evitar o peche das plantas e o despido de traballadores. Para iso, anunciou que manterá encontros do Executivo central, co Goberno asturiano e cos comités.  "Haberá que buscar unha fórmula para tentar chegar a acordos", suliñou ao tempo que con Alcoa "houbo sempre tensión, e logo solucións".

FRONTE COMÚN

Sobre esta fronte común dixo que xa falou coa ministra de Industria e haberá un encontro a vindeira semana entre a Xunta e o Secretario General de Industria. Tamén haberá unha reunión co Principado de Asturias e o Goberno galego agarda tamén reunirse cos sindicatos. "O máis importante agora é saber as causas desa decisión e o futuro dos traballadores", suliñou.

O presidente galego tamén avanzou que o principal problema para Alcoa é o prezo da enerxía e que este sexa estable e non suxeito a poxas enereticas, así como as variacións do rpezo do aluminio "que fluctúa moito".

AXUDAS

Por outra banda, Feijóo confirmou que non ten coñecemento de que a multinacional estadonidense teña recibido subvencións da Xunta. "Non sei se haberá por aí algún convenio", limitouse a responder tras coñecerse este xoves que a empresa recibiu 1.000 millóns de euros en subvencións enerxéticas por parte do Goberno de España.