Os prezos industriais soben en setembro un 5,3% en Galicia debido ao acusado aumento da enerxía

De media no que vai de ano --entre xaneiro e setembro-- o incremento é do 11,3%.

Por E.P. | SANTIAGO DE COMPOSTELA | 25/10/2018 | Actualizada ás 11:25

Comparte esta noticia

Os prezos industriais creceron un 5,3% en setembro en Galicia respecto ao mesmo mes de 2017, segundo os datos que publica este xoves o Instituto Nacional de Estatística (INE). Deste xeito, os prezos galegos avanzan de forma similar á media estatal (+5,2%). En concreto, rexistran o noveno incremento entre comunidades autónomas.

Prezos industriais en Galicia
Prezos industriais en Galicia | Fonte: Europa Press

Este repunte en Galicia está baseado no acusado aumento dos prezos da enerxía respecto de hai un ano (+19,9%). De media no que vai de ano --entre xaneiro e setembro-- o incremento é do 11,3%. No tocante a setembro respecto de agosto crecen un 3,2%.

Pola súa banda, hai subidas interanuais de bens intermedios (+2,1%) e bens de equipo (+0,8%) en Galicia. Mentres, os bens de consumo mantéñense invariables respecto de 12 meses antes.

Así, os prezos da industria da Comunidade acumulan 23 meses de subidas interanuais, xa que o último dato negativo produciuse en outubro de 2016. Na media do que vai de ano -entre xaneiro e setembro-- os prezos industriais soben un 4,4% en Galicia. Após a alza da enerxía atópanse os bens intermedios (+3,2%), os bens de equipo (+0,5%) e os bens de consumo (+0,3%).

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta