Por Galicia Confidencial | Compostela | 30/10/2018 | Actualizada ás 13:46
A Plataforma Stop Velutina reunía este mes a preto de 50 organizacións de varios sectores unidos na loita contra a Vespa velutina, e un grupo de investigadores e investigadoras das tres universidades galegas para tratar esta situación.
Nesta xuntanza quedou claro a necesidade de buscar novos métodos para mellorar os sistemas actuais de loita e atopar novas ferramentas máis eficaces e selectivas, que poidan controlar a expansión e reducir os efectos negativos que produce a Vespa velutina sobre a saúde pública, medioambiente e actividades productivas do sector primario.
A conclusión foi que, a pesar de que existen avances na investigación, faltan recursos e financiación para continuar co traballo e chegar a plasmarse en métodos eficaces de control da praga. Acordouse, polo tanto, acudir á administración galega a solicitar estas axudas para a investigación a través da Consellería de Medio Ambiente e para cubrir os gastos derivados de protexer as colmeas, como por exemplo coa instalación de trampas eléctricas nos colmeares, a través da Consllería de Medio Rural.
Con motivo de tratar estas propostas, o colectivo solicitou unha reunión urxente coa Conselleira de Medio Ambiente e de Medio Rural. Unha proposta que materializarán este mércores coa súa presentación no rexistro xeral da Xunta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.