O número de mortos en accidente de tráfico aumentou un 37,3%

En Ouense o número de mortos triplicouse con respecto o ano anterior.

Por Europa Press / Redacción | SANTIAGO DE COMPOSTELA | 02/11/2018 | Actualizada ás 10:06

Comparte esta noticia

O número de persoas falecidas en accidentes de tráfico en vías interurbanas de Galicia aumentou até outubro un 37,3% en relación ás cifras do ano anterior. En concreto, segundo os datos publicados pola Dirección Xeral de Tráfico (DXT), até outubro morreron nas estradas galegas 92 persoas, 25 máis que no mesmo período de 2017.

Accidente mortal en Sada
Accidente mortal en Sada | Fonte: GUARDIA CIVIL

Por provincias, a situación empeorou significativamente en Ourense, onde a estas alturas do ano anterior morreran en accidente de tráfico cinco persoas e este ano xa contabiliza 15 falecidos. Así mesmo, en Lugo rexístrase un incremento do 35,7%, até 19 falecidos; e na Coruña do 30%, con 39. En Pontevedra producíronse 19 mortes nestas circunstancias.

En canto á cifra de accidentes mortais en vías interurbanas de Galicia, até outubro producíronse 88, un 41,9% máis que hai un ano. No que vai de ano, o 40,9% das vítimas mortais en accidente de tráfico producíronse na Coruña e o 21,6% en Pontevedra.

En relación á evolución, obsérvase un aumento do número de accidentes mortais co avance do ano. Así, mentres en xaneiro e febreiro rexistráronse cinco accidentes con resultado de persoas falecidas --e en abril non houbo ningún--, en xuño e xullo a cifra elevouse até 11, 10 en agosto, 15 en setembro e 14 en outubro.

De feito, os datos da DXT evidencian que os accidentes de tráfico mortais aumentaron un 27,3% en Galicia en outubro e a cifra de falecidos, que alcanzou os 17, un 54,5%. Destas mortes, oito producíronse na provincia da Coruña, seis en Lugo e tres en Ourense, mentres que as vías interurbanas de Pontevedra non rexistraron ningunha vítima mortal.

Por tipo de accidente, seis foron colisións, tres envorcos e cinco outro tipo de sinistro. Ademais, houbo oito saídas de vía. A maior parte das vítimas (10) tiña máis de 46 anos. Sete dos falecidos contaban entre 25 e 45 anos no momento do accidente e un era menor de 25 anos.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta