Por Europa Press / Redacción | SANTIAGO DE COMPOSTELA | 05/11/2018 | Actualizada ás 20:23
Así, Santalices deu a coñecer que a Lei de iniciativa lexislativa e participación cidadá, aprobada en 2015, ampliou as posibilidades existentes até entón e reduciu os requisitos exixibles.
Na actualidade, a participación cidadá no Parlamento pode materializarse a través de cinco modalidades diferentes, como son: proposicións de lei de iniciativa popular, participación popular na elaboración de leis, proposición non de lei de iniciativa popular, propostas de preguntas ao Goberno e dereito de petición ante o Parlamento de Galicia.
O presidente da Cámara apuntou que, ademais de apoiar a participación popular, a Cámara galega está inmersa nunha estratexia de apertura da institución nunha dobre dirección. "Que a cidadanía a visite, coñeza a sede do Lexislativo galego e tamén que deputados teñan unha maior presenza na sociedade", apuntou.
O coloquio deste luns, do mesmo xeito que outras charlas e conferencias que o precederon, enmárcanse na aposta da Cámara por incrementar a súa proxección exterior.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.