Arde unha embarcación abandonada no peirao de Ribeira
Ningunha persoa resultou ferida ou afectada polo incendio.
Por E.P. | SANTIAGO DE COMPOSTELA | 07/11/2018 | Actualizada ás 20:09
Segundo informou o Centro Integrado de Atención a Emerxencias 112-Galicia, o suceso ocorreu sobre as 17,40 horas, cando varios particulares alertaron de que unha embarcación se atopaba ardendo. O barco estaba amarrado preto doutro tres buques.
Até a zona desprazáronse os Bombeiros de Ribeira e de Boiro, o Grupo de Apoio e Emerxencias Municipal (GAEM), efectivos da Policía Local e Salvamento Marítimo, que mobilizou até o lugar á Salvamar Sargadelos.
Segundo os datos facilitados ao 112-Galicia, ningunha das embarcacións próximas ao barco que sufriu o incendio rexistrou danos e tampouco se produciu vertido de substancias contaminantes que afectasen ao mar. Non houbo que lamentar danos persoais.
