Por Europa Press / Redacción | SANTIAGO DE COMPOSTELA | 08/11/2018 | Actualizada ás 17:36
Miranda explica a través dunha nota de prensa que cursou solicitude "formal" ao presidente da comisión, Feliu Guillaumes, para asistir como público ese día ás 16,00 horas, cando está prevista a comparecencia do xefe da unidade de seguridade da Axencia Ferroviaria Europea, Christopher Carr.
Precisamente, as reunións da eurodeputada coa Axencia Ferroviaria Europea, coa que mantivo tres encontros, e as dúas reunións coa comisaria de Transporte, Violeta Bulc, mostran, segundo incide a portavoz do Bloque en Europa, "a existencia dunha forte relación interinstitucional que xustificaría plenamente a súa asistencia á comisión", tal e como pediu, por ser parte denunciante.
"É un veto inadmisible", critica a nacionalista, quen en 2017 presentou en Europa unha denuncia contra o Estado español por procedemento de infracción polo incumprimento da normativa de seguridade ferroviaria europea.
Subliña que é "unha vergoña sen precedentes" e ve neste "veto" unha "mordaza" en tanto que "si pode asistir calquera cidadán ou calquera xornalista". De feito, defende que a súa asistencia como público "debería formar parte dun procedemento normal nun Estado normal". "Pilar Cancela por parte do PSOE e Celso Delgado polo PP están a se tapar as miserias para impedir que Europa siga removendo este asunto", conclúe Miranda.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.