A cortina de fume

A principios desta semana, saía unha noticia nun diario, digamos que amarelo, unha noticia de carácter sensacionalista sobre un home de 63 anos orixinario dun pobo onde nun grupo de whatsapp dixo barbaridades sobre o presidente do goberno.

Por Galicia Confidencial | Vigo | 13/11/2018

Comparte esta noticia
Un feito que foi denunciado por un membro do mesmo grupo que naquel momento pertence a un partido político tan bárbaro como o denunciado e que estaba nese grupo de whatsapp porque acudía a practicar tiro ao club de tiro olímpico de Tarrasa do mesmo xeito que o que o demandou. Esta noticia en principio pouco relevante foi magnificada por todos os medios chegando a ser portada dalgúns deles, reforzada pola incautación das armas de competición deste home, competidor olímpico desde hai anos, sen antecedentes penais e con todas as súas armas perfectamente legalizadas.
 
Porque pensas querido lector que se está dando tanta dimensión a esta noticia?. Ben, os motivos poderían ser varios, un deles é que a ninguén con peso especifico molesta que se demonice un comportamento lamentable e, por suposto, reprendible. Outro dos motivos é que realmente o individuo en cuestión non é ninguén, un garda de seguridade de sesenta e tres anos sen familia dun pobo onde o pai fora alcalde... Digamos que era un pobre diaño cuns antecedentes impecables que, debido á súa afección ás armas, levaba anos competindo de forma oficial e por iso tiña unha colección de rifles moi vistosa para unha foto.
 
Do que xa se fala menos é desa barbaridade do Tribunal Supremo, garante da legalidade neste país, que baixo unha infinidade de presións de todo tipo, deixou en suspenso unha sentenza xusta pero economicamente ruinosa para repetir a votación ata que conseguiu anulala. 
 
Un feito insólito que evidencia que a xustiza é variable en función de don Diñeiro. Os bancos que, cando saíu a primeira sentenza estiveron a piques de esborrallarse, que respiraron cando esta se suspendeu e subiron cando se anulou, xa non terán que devolver os custos derivados do pago do imposto de actos xurídicos documentados.
 
É certo que esta vez o goberno actuou con rapidez e a partir de agora se terán que facer fronte a ese imposto e non poderán repercutilo na hipoteca que pida ao cidadán. Salvados pola campá. Nuns poucos meses, cando salga outra sentenza que está sobre a mesa, repetiremos votación, suprimiremos o supremo. A ver que pasa...
 

Hermanager Humor.  V.A.R.  Hipotecas
Hermanager Humor. V.A.R. Hipotecas
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA