Vídeo: Así foi a Marcha pola recuperación do Pazo de Meirás, na que se parodiou a Franco

Centos de persoas participaron o pasado sábado na marcha a pé de cinco quilómetros coa que se reclamou ao Goberno central que inicie "valentemente" a presentación dunha demanda civil para recuperar para o patrimonio público o Pazo de Meirás, situado en Sada (A Coruña), o histórico inmoble que Franco obtivo tras un peditorio popular no ano 1938 e que segue en mans dos seus herdeiros.

Agora, a Comisión pola Recuperación da Memoria Histórica da Coruña resume esta nova histórica marcha neste vídeo, no que ademais das imaxes dos manifestantes percorrendo o traxecto, tamén se recollen declaracións de políticos e activistas, e se mostra a parodia que se fixo do ditador Francisco Franco ás portas do pazo.