Temas: BNG NACIONALISMO

O vídeo do BNG que identifica a Kahlo, Mandela, Arafat, Gandhi, Malcolm X e Lorca coa causa nacionalista galega

O Bloque publica un novo vídeo para conmemorar cen anos de nacionalismo galego. Nel mestúranse imaxes de Castelao, Alexandre Bóveda, Manuel María ou a propia líder do BNG, Ana Pontón, coas de históricos líderes políticos, activistas e artistas de todo o mundo.

Por Galicia Confidencial | Santiago de Compostela | 23/11/2018 | Actualizada ás 11:22

Unha mestura de políticos, artistas, escritores e activistas nacionalistas galegos con persoeiros de todo o mundo e todos os eidos. Castelao, Camilo Díaz Baliño, Lois Peña Novo, Alexandre Bóveda, Moncho Reboiras, Bautista Álvarez, Manuel María, Agustín Fernández Paz... ou a propia líder do BNG, Ana Pontón, son relacionados con personaxes históricos que representan a loita por distintas causas sociais e políticas en distintas partes do mundo.

"Somos eles e elas, sendo nós, nacionalistas, porque o pobo galego existe, porque Galiza é unha nación", dise no vídeo, no que esta afirmación remata coa imaxe de Nelson Mandela, o activista contra o apartheid que conseguiu ser o primeiro presidente negro de Suráfrica tras 27 anos encarcerado.

"Somos nacionalistas e sentimos como propias todas as causas xustas", din sobre unha imaxe do líder do Movemento de independencia indio Mahatma Gandhi.

Non son os únicos líderes e referentes históricos. O nacionalismo galego mostra as "persoas que nos inspiran e levamos en nós", como Malcolm X (ao que esriben mal o seu nome no vídeo e chaman "Malcom"), Salvador Allende, James Connelly, o Che Guevara, Virginia Woolf, Simone de Beauvoir, Federico García Lorca ou Rosa Parks, entre outros moitos, identificados coas mesmas causas que o BNG di defender.

E usa estas figuras, mesturadas cos activistas do nacionalismo galego, para defender que "temos dereito a poder decidir o noso futuro", seguindo o camiño emprendido en Cataluña.

"Levamos no noso ADN o internacionalismo, o pacifismo, o combate a todas as dominacións e a loita por unha vida xusta para todas as persoas", argúen desde o BNG.

O lema do vídeo: "As súas causas, a nosa causa. Elas e eles, o noso exemplo". De Castelao a Ana Pontón, pasando por Mandela, Kahlo ou Lorca.

Esta peza conmemora un século de nacionalismo galego (1918-2018) na campaña "Somos unha nación" que puxo en marcha o Bloque.

Temas: BNG NACIONALISMO

1 Chico Percebe

Por suposto que todos eran do Bloque e estaban a favor da inmersión lingüística obligatoria no ensino (os nenos galegos que teñen como língua propia o español, que se j...). Tamén berraron "Autopista non", e estaban a favor de ir as eleccións con Bildu (os amiguiños de ETA) e os de ERC (ignorar as leis durante anos, reventar a Constitución, acogotar a oposición no parlamento catalán...). Todos eles sabían que a culpa do que pasa en Galicia é de Feijóo e de Madrí e estaban a favor da independencia de Galicia (aínda que a gran mayoría dos galegos non comparta esa opinión, non ten importancia. Xa se sabe que os verdadeiros e únicos galegos son eles, os do Bloque) e qué sei eu cantas lerias máis! O caso é vivir de ensoñacións e tratar de engañar aos cidadáns. Así lles vai

1 SON

Vai nivel, rapas? non che dan para mais as neuronas? con intelectuais coma estes no poder asi nos vai...

2 Triton Man

Osti ti aínda estás co da autopista que é de antes de que existise o Bloque. E o AVE que, chega dentro de cinco anos, eh pillabán?

3 teutonio

Home, Mandela e o seu partido eran abertamente de esquerdas e nacionalista, Gandhi tamén nacionalista e o resto todo se poderían claramente identificar facilmente coas ideas progresistas, feministas ou antiimperialistas do Bloque. Con certeza co ideario de Feijoo, Casado ou Rivera xa terían máis problemas.

4 teutonio

Home, Mandela e o seu partido eran abertamente de esquerdas e nacionalista, Gandhi tamén nacionalista e o resto todo se poderían claramente identificar facilmente coas ideas progresistas, feministas ou antiimperialistas do Bloque. Con certeza co ideario de Feijoo, Casado ou Rivera xa terían máis problemas.