Un traballador falece en Begonte ao quedar atrapado baixo unha furgoneta

Un traballador faleceu en Begonte (Lugo) ao quedar atrapado baixo unha furgoneta que caeu encima ao soltarse dun guindastre. Así o informou o servizo de emerxencias do 112 Galicia, que tivo constancia do sinistro ás 10,45 horas deste domingo, a través das 061-Urxencias Sanitarias.

Segundo os datos facilitados ao 112, o vehículo caeu ao romper a eslinga pola que estaba suxeito nun guindastre, nunhas instalacións do polígono industrial de Begonte. O vehículo precipitouse encima do operario.

Tras recibir o aviso, o persoal do 112 Galicia puxo a situación en coñecemento dos bombeiros de Vilalba, do GES de Guitiriz e da Garda Civil.

Os membros dos bombeiros de Vilalba tiveron que excarcerar ao traballador. A pesar dos esforzos por salvarlle a vida, os efectivos sanitarios confirmaron o seu falecemento.