O Parlamento de Galicia será a primeira cámara autonómica con sede electrónica
A Cámara galega garante a plena adaptación da plataforma á lexislación actual.
Por Europa Press / Redacción | SANTIAGO DE COMPOSTELA | 28/11/2018 | Actualizada ás 19:39
O Parlamento de Galicia converteuse, desde este mércores, na primeira Cámara lexislativa autonómica en contar cunha sede electrónica plenamente operativa, que pon a disposición dos deputados, empresas e cidadanía tecnoloxía e procedementos de vangarda en materia de administración electrónica. Ao tempo, tal e como informou a oficina de prensa, garante a "plena adaptación da plataforma" á lexislación máis recente neste ámbito.
O titular da Cámara galega, Miguel Santalices, lembrou que o Parlamento conta desde 2015 con "os procedementos de participación cidadá máis avanzados de España". Por exemplo, é o único que contempla a presentación de proposicións non de lei de iniciativa popular e agora lidera a oferta de sede electrónica, nunha "aposta decidido pola innovación".
Outros lexislativos autonómicos están a desenvolver as súas sedes electrónicas, pero aínda non entraron en servizo. A sede electrónica do Parlamento foi desenvolvida pola empresa Indra, gañadora do concurso público convocado pola Administración autonómica. Ademais, o Parlamento agradece a colaboración prestada pola Axencia para a Modernización Tecnolóxica de Galicia (Amtega).
Entre outras funcionalidades, a sede electrónica permite a presentación de todos os documentos relacionados cos procedementos que tramita o Parlamento de Galicia, tanto no ámbito de participación cidadá na actividade parlamentaria, como os vinculados coa licitación electrónica ou rexistro de facturas.
SISTEMAS DIXITAIS
A sede electrónica conta con diferentes sistemas dixitais: a Chave365, que permite aos cidadáns maiores de idade identificarse e asinar documentos na sede electrónica sen necesidade de certificados dixitais nin DNI electrónico. A persona usuaria identifícase coa súa NIF e clave persoal e firma electrónicamente cun código, único para cada operación, que recibe no seu teléfono móbil.
A validación de certificados permite, prol o seu parte, verificar a validez do certificado empregado para asinar un documento. O selo de tempo, mentres, ten como obxectivo a realización de operacións de selado de tempos que garante de forma legal e inequívoca que o documento non foi alterado desde o momento do seu cuño.
