En Marea esixe que se clarifiquen gastos por viaxes, aloxamento e manutención dos membros da Xunta

Tamén quere que no sitio web de Transparencia do Goberno apareza a "comitiva exacta" que acode a cada un dos desprazamentos.

Por Europa Press / Redacción | SANTIAGO DE COMPOSTELA | 29/11/2018 | Actualizada ás 15:57

Comparte esta noticia

O Grupo Parlamentario de En Marea presentou unha iniciativa na que insta á Xunta a clarificar os gastos concretos que se realizan por transporte, aloxamento e manutención nos desprazamentos oficiais dos altos cargos, conselleiros e do presidente do Executivo autonómico.

Carmen Santos, deputada de En Marea, en rolda de prensa
Carmen Santos, deputada de En Marea, en rolda de prensa | Fonte: Europa Press

Recólleo así unha iniciativa que foi presentada este xoves pola deputada Carmen Santos, quen tamén quere que na web de Transparencia da Xunta apareza a "comitiva exacta" que acode a cada un dos desprazamentos.

Segundo denunciou, no portal de transparencia recóllense as contías globais das indemnizacións por razóns de servizo, pero non están destalladas as descricións do gastado en transporte, aloxamento e manutención, como pide a iniciativa presentada por En Marea sobre a base do "código ético institucional" da Xunta.

"É absolutamente impresentable esta falta de transparencia, agás que se trate de agochar a indecencia dalgunha destas viaxes ou a imposible xustificación da necesidade nalgún caso", apunta Carmen Santos na proposición non de lei para o seu debate no pleno da Cámara.

Nesta mesma liña, o grupo incluíu unha iniciativa no pleno da semana que vén no que se pedía realizar un estudo no que se analizase o esquema retributivo dos responsables públicos galegos, á vez que reclama establecer unha política retributiva "máis transparente e coherente co fin de reducir o gasto total en soldos públicos".

"RECUAR"

Nesa proposición non de lei, En Marea referíase ao caso do ex-socialista Manuel Martínez e o soldo que aprobou o consello de administración de Suplusa, de 72.000 euros, cos votos do PP. Pero posteriormente, os populares facilitaron a aprobación dos orzamentos da Deputación Provincial de Lugo —que dirixe Darío Campos (PSOE)— sen incluírse esta partida, o que deixou invalidada ese salario.

Para Carmen Santos, o PP "recuou" despois de que En Marea incluíse esta iniciativa para o seu debate no pleno do Parlamento da próxima semana, algo do que se "alegrou". "O que nos avergoña é que sigan tentando coar este tipo de cuestións", matizou, iso si, a deputada de Podemos.

A deputada de En Marea, que advertiu de que o soldo de Martínez sería superior ao do presidente da Xunta, avisou de que seguirán vixiantes a este tipo de cuestións e "metendo o dedo no ollo" se é necesario que volvan a "recular".

"Agradecemos que recuasen, agardamos que non teñamos que volver meterlle o dedo no ollo", indicou Santos, quen engadiu que os políticos teñen que ser "exemplares" nas súas actuacións e "cumprir" coas promesas.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

3 Gamela

É curioso que cando Villares denuncia o escaqueo no pago das cuotras dos parlamentarios de En Marea, Carmen Santos pase a pelota aos gastos da Xunta... Ata onde eu sei tampouco están publicadas as cantidades cedidas polos membros de PodemosGalicia (especialmente unha tal Pam debe ter o récord de gasto sen xustificar!) https://cabozo.com/taboext.php?grup...

2 Cumplir co exemplo

Esta moi ben pedir transparencia pero hai que empezar por unha, Carmen Santos. Hoxe os medios informan do incumprimento da carta financeira por parte dos deputados de Unidos e Podemos.

1 Oitaburro

Que boa idea, o malo é que o PP vai contestar e con razón que non se sabe o mesmo do que fixo a Marea na Coruña cando vai aos encontros de networking podemita.