Por Galicia Confidencial | Lalín | 04/12/2018 | Actualizada ás 12:10
Lalín acolleu o pasado sábado un campionato de Cetraría, unha modalidade de caza utilizando aves, que contou co apoio do concello da localidade e a Sociedade de Pesca e Caza.
“A pesar de que ao principio o afrontabamos con inquietude en canto a participación, resultounos moi gratificante observar que superamos as nosas previsións”, apuntan os organizadores desta competición na que participaron arredor dunha vintena de persoas.
Neste tipo de competicións utilízanse aves de presa, principalmente, falcóns, corvos africanos, aguia Harris, bufos e mesmo cernícalos americanos, para dar caza a outros animais. Con todo, os participantes nestes evento destacan que estes animais non fan unha caza masiva, xa que, por exemplo, o falcón sempre abate o animal máis débil. Noutras ocasións, utilizanse bonecos que simulan presas.
Esta xa é a segunda competición en menos de tres semanas que ten lugar na comarca. O pasado 19 de novembro tivo lugar a Festa da Caza en Rodeiro, na que ademais de competición de caza, houbo exhibición de cetrería.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.