A Deputación da Coruña impulsa un plan de sendas peonís na provincia

A Deputación da Coruña apoia un plan de sendas peonís na provincia, co investimento de 3,4 millóns na construción de 21 delas a través do Plan Único (POS+), segundo informa o organismo provincial.

En total, quince concellos coruñeses optaron por incluír entre as obras do Plan Único proxectos orientados a mellorar a seguridade dos viandantes nas marxes das estradas, fundamentalmente en zonas rurais.

Sobre esta iniciativa, a Deputación da Coruña destaca "a contribución" do citado plan "á mellora de infraestruturas municipais", situando a execución de obras no período 2017-2019 en 1.146 nos 93 concellos da provincia.