Arrincan de madrugada a estatua do Loro Ravachol de Pontevedra

Aínda non se sabe nada de como sucederon os feitos, mais "aparente un acto vandálico".

Por E.P. | SANTIAGO DE COMPOSTELA | 09/12/2018 | Actualizada ás 14:03

Comparte esta noticia

A estatua do Loro Ravachol da Praza da Peregrina de Pontevedra foi arrincada da base durante a madrugada deste domingo. Pola mañá, a Policía Local atopouna depositada xunto á igrexa, a 50 metros da súa localización habitual.

Figura do loro Rachivol, en Pontevedra
Figura do loro Rachivol, en Pontevedra | Fonte: guiategalicia.com

Segundo informan fontes do corpo, aínda non se sabe "nada" do que puido ocorrer, aínda que "aparenta ser un acto vandálico". En todo caso, recorrerán ás cámaras de vixilancia próximas ao lugar para pescudar "que pasou exactamente".

A Praza da Peregrina amenceu este domingo sen a estatua do Loro Ravachol, icona das celebracións do Entroido en Pontevedra, que supostamente foi rota "pola base". Seguidamente, axentes da Policía Local emprenderon a súa procura polas inmediacións.

Máis tarde das 8,00 da mañá, a peza foi atopada "enteira" e "en bo estado" xunto á igrexa da Peregrina. Fontes policiais cren que "alguén tivo que tirala", posto que "apareceu ben colocada" e "non no medio da rúa nin esnaquizada".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta