Temas: ESPECIE INVASORA FAUNA AGRICULTURA MADEIRA FORESTAL EUCALIPTO CENSURA TEO FLORA

Asefoga: "É unha auténtica barbaridade dicir que o eucalipto é unha especie invasora"

O sector da madeira critica duramente ao Concello de Teo por pedir que se declare esta especie como invasora e din que iso suporía a "ruína" para a sociedade galega.

Crece o negocio da madeira en Galicia entre un 5 e un 8%

Por Galicia Confidencial | Compostela | 10/12/2018 | Actualizada ás 20:20

En 2017 rexistrouse unha marca no volume de curta de madeira en Galicia (8,5 millóns de metros cúbicos), cun incremento no caso do eucalipto do 14%. Así, o suliñou este luns a presidenta da Asociación de Viveiros Forestais (Vifoga), Isabel Vázquez, que chamou a buscar un equilibrio entre a produtividade a "curto prazo" con buscar o valor engadido da madeira.

Ademais, destacou que nos últimos anos apostouse por mellorar a calidade xenética fronte a pragas e condicións climáticas. Por tal motivo, require medidas a medio e longo prazo para un mundo forestal "sustentable" e "rendible".

Pola súa banda, nunha xuntanza que mantivo o sector forestal, o secretario xeral da Asociación Sectorial Forestal Galega (Asefoga), Jacobo Feijóo, preguntado sobre a denuncia do Concello de Teo (A Coruña) para que se declare como especie invasora o eucalipto, Jacobo Feijóo sinala que serán os tribunais pola vía contenciosa-administrativa os que dilucidarán a cuestión, despois de que o Ministerio de Medio Ambiente rexeitase catalogalo desta forma --a pesar de que un comité científico sobre fauna e flora do Ministerio de Agricultura si cre que é invasora--.

CRÍTICAS AO CONCELLO DE TEO

En opinión do secretario xeral de Asefoga, é "unha auténtica barbaridade" dicir que o eucalipto é unha especie invasora. De feito, censura que ese comité científico do Ministerio "non estaba a facer ciencia", senón política, ao seu xuízo.

Tamén o director da Asociación Forestal de Galicia, Francisco Dans, puxo en dúbida a validez dese comité, á vez que acusa ao Concello de Teo de "montar un cirio a nivel nacional", pois catalogar ao eucalipto como especie invasora suporía a "ruína" para a sociedade galega.

A continuación, Iglesias censurou o "populismo" do Concello de Teo por esta proposta, e emprázalle a que "se enfronte" aos seus veciños e prohiba a plantación de eucaliptos, dado que "ten instrumentos" para facelo.

Noticias relacionadas

Crece o negocio da madeira en Galicia entre un 5 e un 8%

Temas: ESPECIE INVASORA FAUNA AGRICULTURA MADEIRA FORESTAL EUCALIPTO CENSURA TEO FLORA

4 Dani

E moi triste que alguns vexan no modelo de produccion madereiro actual algo rendible e sustentable. Producese madeira barata para triturar ... A prezos que nada teñen que ver co que se obten noutros lugares coa madeira para aserrar e construir..aproveitando os subproductos para triturar, leñas etc.. Ah..perdón que as industrias de transformacion da madeira foron reducindose a unhas poucas grandes empresas de tableiros e pasta de papel...pellets se me apuras Temos pan (escaso) para hoxe e moita fame para mañan... O lume chega as nosas casas..a choiva leva a terra dos montes queimados...e non pasa nada? Agora abrirei a fiestra da cociña e cagareime en todos estes estudios proeucalipto que queren convencer a xente de que o eucalipto e o manà...

1 str

O eucalipto ten os seus puntos escuros, pero no sector rural temos que producir o que demanda a industria, as frondosas non teñen demanda (poido corroboralo coa miña experiencia), especialmente si non se podan e non se cuidan. Eu produzco eucalipto, piñeiro, vendín mazás e vendín ovellas, aparte diso estou na flexibilidade laboral, e poido decir que as mazás e as ovellas son unha ruína, o piñeiro lévano casi gratis e o eucalipto véndese aceptablemente. E ademais o de que o eucalipto provoca incendios é unha coña, eu tuven que vender unha finca de eucaliptos que desbrozaba a man todos os anos e "supostamente" ten mais perigo que as fincas do lado, abandonadas e con silvas hasta as orellas.

3 str

O eucalipto non é por sí mesmo autóctono de Galicia, pero hoxe por hoxe tense ganado a pulso a súa galeguidade. Polo apoio que sempre deu a quenes o cultivaron, polos cartos que ten aportado a moitas familias, polos postos de traballo que produce, pola emigración que ten evitado e porque xa somos varias xeracións vivindo baixo deles, merece o respeto e a consideración de todos os galegos e as galegas. O debate si se planta ou non se planta eucaliptos para min está claro. os propietarios deben decidir libremente, como sempre se fixo no campo galego. Sempre os propietarios decidiron que plantaban nas suas leiras, pero claro, hoxe iso a os políticos lles produce alergia. Que decidan os políticos que se planta nos montes significa entregarlle o control dos montes a os das tarxetas "black", a os que tenden a os asuntos propios, e que a política forestal sexa decidida en casas de putas por políticos petados de cocaína.

2 Pedro26

É un cancro para a nosa sociedade. Os madereiros miran o seu (lóxico) pero sería a sua (e non tanto) ruína... para os galegos moito mellor nos iría.

1 Courelois

O eucalipto, o castelán, a velutina, etc. Sí, invaden e colonizan o noso. Qué volvan pra Australia, Castela e Asia! (e, xa postos, que leven a igrexa, o exército, os madeiros e os picoletos, o Luar-flamenco, as touradas e o franquismo tamén...).