Por Europa Press / Redacción | OURENSE | 17/12/2018 | Actualizada ás 10:15
Un operario resultou ferido nun accidente laboral rexistrado na mañá deste luns ao sufrir unha caída nas obras do AVE no termo municipal de Vilar de Barrio (Ourense).
Segundo informou o 112 Galicia, o operario sufriu unha caída mentres traballaba nas obras do AVE que se executan na estación de Alberguería, en Vilar de Barrio.
Foi un compañeiro quen pouco antes das 9,00 horas deste luns alertou do suceso a través do 112 Galicia. Segundo indicou, o home sangraba e perdía a consciencia. Deste xeito, o persoal do Centro Integrado de Atención ás Emerxencias de Galicia avisou aos profesionais sanitarios, así como a axentes da Guardia Civil e a voluntarios de Protección Civil da localidade.
Cando lograron estabilizalo, o ferido foi evacuado polo equipo de Urxencias Sanitarias de Galicia ao Hospital de Verín, indicaron as mesmas fontes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.