As visitas ao Pórtico da Gloria iniciaranse o día 2 de xaneiro de 2019

So poderán visitar o monumento 50 persoas ao día.

Por Europa Press / Redacción | SANTIAGO DE COMPOSTELA | 21/12/2018 | Actualizada ás 20:10

Comparte esta noticia

As visitas ao Pórtico da Gloria renovaranse o próximo día 2 de xaneiro, data a partir da que se poderán reservar e adquirir as entradas a través da páxina web www.catedraldesantiago.es e nos despachos de billetes do Museo da Catedral.

Pórtico da Gloria da Catedral de Santiago restaurado. FUNDACIÓN CATEDRAL - Archivo
Pórtico da Gloria da Catedral de Santiago restaurado. FUNDACIÓN CATEDRAL - Archivo

Diso informou este venres a Catedral de Santiago, que lembrou que nos últimos meses realizáronse no Pórtico da Gloria diversas labores de conservación preventiva e documentación que están xa na súa fase final.

O acceso a este monumento realizarase en grupos limitados e guiados desde o Museo Catedral (Pazo de Xelmirez). Pola súa banda, para visitar o Pórtico en horario de acceso gratuíto, a Fundación Catedral habilitou un despacho de billetes específico nos baixos da Casa do Deán (Villar, 3), que aterá ao público de luns a sábado entre as 19,00 e as 20,00 horas.

A Catedral detallou que cada día se entregarán, por rigorosa orde de chegada e previa acreditación, as invitacións para o día seguinte (e os sábados, as reservadas a composteláns dos domingos pola tarde e as de público xeral dos luns) até cubrir a cota dispoñible.

En concreto, son 50 entradas diarias, de luns a sábado, para público en xeral; e 100 entradas para composteláns, os domingos pola tarde. Para acreditar a condición de veciño de Santiago de Compostela será necesario que figure o DNI ou achegando certificado de empadroamento se aínda non constase correctamente o domicilio no carné de identidade.

A Catedral tamén informou de que as obras de rehabilitación que levan a cabo na catedral de cara ao próximo Ano Santo 2021 obrigarán ao peche temporal das visitas ás cubertas a partir do día 2 de xaneiro. Por este motivo, o último día para realizar a visita será o próximo 31 de decembro de 2018.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta