O Museo do Pobo Galego acollerá conversas con traballadoras de conserveiras que falarán da súa experiencia

Esta charla estará moderada pola historiadora Encarna Otero e nela participarán operarias que traballaron na zona de Cangas (Pontevedra) e Camariñas (A Coruña). A actividade conta coa colaboración do Concello de Santiago.

Estes encontros naceron en 2008 co fin de aproximarse á historia recente de Galicia, coa reconstrución de experiencias persoais para visibilizar aos informantes. Sempre tivo unha perspectiva de xénero co fin de dar protagonismo a mulleres como portadoras de historias de vida e saber, que ata hai pouco non eran recollidas pola historia oficial.