Por E.P. | SANTIAGO DE COMPOSTELA | 02/01/2019 | Actualizada ás 12:04
A Dirección Xeral de Tráfico (DXT) prevé uns 410.300 desprazamentos na rede viaria do noroeste peninsular durante a terceira e última fase da Operación Nadal nas estradas españolas, que empeza este venres. Deste xeito, esta zona rexistrará o 11 por cento dos 3.730.000 movementos previstos para a terceira e última fase da Operación Nadal en toda a rede viaria española.
A Dirección Xeral de Tráfico prevé máis de 18 millóns de desprazamentos por estrada durante todo o Nadal de 2018-2019. Por iso, mantén un dispositivo especial desde o venres 21 de decembro ás 15.00 horas, que finalizará ás 24.00 horas do luns 7 de xaneiro. Durante o mesmo, vixía as estradas con numerosos medios humanos e materiais, entre eles 11 drones.
Como en anos anteriores, a Operación Nadal desenvólvese en tres fases coincidindo coas festividades propias destas datas. Así, a primeira, a de Nadal, do venres 21 de decembro ao martes 25. A segunda foi a de Fin de Ano, do venres 28 de decembro ao martes 1 de xaneiro de 2019.
A terceira e última fase é a de Reyes, e terá lugar deste venres 4 de xaneiro ao luns 7, ao ser festivo este día nas comunidades autónomas de Andalucía, Aragón, Asturias, Canarias, Castela e León, Estremadura, Madrid, Murcia, Navarra e nas cidades de Ceuta e Melilla.
RECOMENDACIÓNS
Tráfico recomenda aos condutores durante estas datas circular coas luces acendidas durante o día, reducir a velocidade e aumentar a distancia de seguridade, dado que a meteoroloxía adversa pode aparecer durante a viaxe en calquera momento.
Ademais, considera imprescindible dispor de cadeas ou pneumáticos de inverno, sobre todo para viaxes por zonas montañosas e aconsella activar no móbil o Modo Coche para evitar distraccións durante a condución.
Así mesmo, recorda a obrigatoriedade de levar posto o cinto de seguridade e de que os menores vaian nos seus sistemas de retención infantil. Se miden menos de 135 centímetros deben ir situados nos asentos traseiros. E incide en non consumir bebidas alcohólicas nin outro tipo de drogas se se vai a conducir.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.