Por E.P. | A CORUÑA | 03/01/2019 | Actualizada ás 17:00
A concelleira de Medio Ambiente no Concello da Coruña, María García, instou á Xunta a que se aceleren os trámites para que a contorna da Torre de Hércules sexa declarado Espazo Natural de Interese Local (ENIL).
"É un procedemento que debería levar tres meses e levamos ano e medio esperando", sinalou García, que recorda a gran diversidade de especies presentes na zona e a importancia da súa protección. A concelleira fixo balance do convenio asinado co Grupo Naturalista Hábitat para o control da especie invasora 'Carpobrotus edulis', máis coñecida como uña de gato, na contorna da Torre de Hércules e Punta Herminia.
En total, segundo informa o Consistorio, 122 metros cúbicos desta especie foron retirados durante as 11 xornadas de traballo realizadas entre os meses de outubro e novembro.Nestas actividades participaron 226 persoas, entre veciños, estudantes de catro centro escolares, voluntarios da Oficina de Medio Ambiente da Universidade da Coruña e acodes usuarias do Centro de Inserción Social Carmela Arias e Díaz de Rábago.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.