Por E.P. | SANTIAGO DE COMPOSTELA | 12/01/2019 | Actualizada ás 11:04
A Audiencia Provincial de Ourense celebrará este martes, día 15, o xuízo contra un home acusado de abusar sexualmente da filla da súa esposa na vivenda familiar, segundo informa o Tribunal Superior de Xustiza de Galicia (TSXG).
A causa procede do Xulgado de Instrución número 2 de Xinzo de Limia e, polos feitos que se lle imputan, o Ministerio Fiscal pide unha pena de seis anos de prisión e inhabilitación para o dereito ao sufraxio pasivo durante o tempo da condena por un delito de abusos sexuais.
Así mesmo, a Fiscalía reclama que se lle estableza a prohibición de achegarse á vítima a menos de 300 metros ou comunicarse con ela por calquera medio, durante un período de tempo de oito anos.
Ademais, pide unha inhabilitación especial para o exercicio de calquera profesión ou oficio, sexa ou non retribuído, que leve un contacto regular e directo con menores durante oito anos.
Tal como explica no seu escrito de cualificación o Ministerio Público, o padrasto aproveitaba o mediodía, cando a súa esposa se ausentaba do domicilio, para sentar coa menor no sofá, "efectuándolle tocamentos".
Pola noite, mentres a súa esposa se atopaba na planta baixa da vivenda, presentouse "en numerosas ocasións" na habitación da menor, situada na primeira planta, espido de cintura para abaixo a darlle un bico de boas noites.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.