Por E.P. | SANTIAGO DE COMPOSTELA | 19/01/2019 | Actualizada ás 19:26
A Consellería de Educación, Universidade e Formación Profesional informou de que ten programas ata 2021 obras nun total de 51 centros educativos das catro provincias galegas, nas que prevé investir un total de 54,9 millóns de euros.
Segundo informou o departamento que dirixe Carmen Pomar, a provincia na que prevé executar máis actuacións é a da Coruña, na que actuará en 20 centros distribuídos en nove concellos. En concreto, actuarase en centros da Coruña, Ames, Arteixo, Cabanas, Coirós, Culleredo, A Laracha, Teo, Noida e Vedra. O investimento previsto nesta provincia é de 23,4 millóns.
Así mesmo, na provincia de Pontevedra, a Xunta programa obras en 13 centros educativos da Estrada, As Neves, Caldas, Pontevedra, Salvaterra, Sanxenxo, Tomiño, Tui, Cerdedo-Cotobade, Vilagarcía e Vigo. O orzamento é de 15 millóns de euros.
Pola súa banda, en Lugo, Educación ten previstas actuacións nun total de 10 centros educativos de Chantada, Foz, Láncara, Burela e Lugo, obras ás que destinará 9,4 millóns de euros.
Para rematar, na provincia de Ourense, están programas obras en 8 centros do Barco de Valdeorras, Maside e a propia cidade das Burgas. A estas, a Xunta destinará máis de 7,1 millóns de euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.