Segue o aviso amarelo por neve na montaña de Lugo e Ourense
No mar hberá ondas de icnco a sete metros na costa coruñesa, A Mariña e Costa da Morte.
Por E.P. | SANTIAGO DE COMPOSTELA | 23/01/2019 | Actualizada ás 10:12
O aviso amarelo por acumulación de neve manterase este mércores na montaña de Lugo e Ourense nas primeiras horas, así como no litoral galego toda a xornada por ondas de catro a sete metros de altura.
Segundo o Boletín de tempo meteorolóxico publicado por Meteogalicia, recollido por Europa Press, manterase durante toda a xornada deste mércores a altura de ondas por encima dos cinco metros no litoral norte, con vento forte no litoral e zonas altas.
Así, o aviso por ondas será laranxa toda a xornada por mar combinada do noroeste con ondas de cinco a sete metros no noroeste da costa coruñesa, A Mariña luguesa e Costa da Morte. No caso das Rías Baixas o aviso será amarelo por ondas de catro a cinco metros.
Ademais, por refachos de vento forte superiores aos 80 quilómetros por hora haberá aviso amarelo ata as 15,00 horas na montaña de Lugo e durante toda a xornada na de Ourense. Pola súa banda, o aviso amarelo por acumulacións de neve de máis de cinco centímetros permanecerá ata as 6,00 horas deste mércores na montaña ourensá e luguesa.
