Atropelados dous adolescentes nun paso de peóns en Lugo cando se dirixían a clase

Dous alumnos dun instituto, un mozo e unha moza de 15 anos de idade, foron atropelados á primeira hora da mañá nun paso de peóns de Lugo cando se dirixían a clase.

O suceso produciuse ás 08,30 horas deste venres nun paso de peóns da Rúa da Saúde na esquina coa rúa Serra de Outes, segundo precisaron a Europa Press fontes da Policía Local de Lugo.

Os adolescentes resultaron feridos e tiveron que ser trasladados ao Hospital Lucus Augusti. O condutor do vehículo deu negativo na proba de alcoholemia.

Policía Local de Vigo | Fonte: xornaldevigo.gal