Por E.P. | SANTIAGO DE COMPOSTELA | 05/02/2019 | Actualizada ás 19:14
O Xulgado do Penal número 3 de Pontevedra celebrou este martes un xuízo contra sete persoas acusadas dun delito contable e outro de falsidade por, supostamente, articular unha trama de facturas falsas no sector da construción co obxectivo de pagar menos a Facenda.
Dous dos acusados negaron a súa responsabilidade no feitos pero os outros cinco recoñeceron a súa autoría, o que lles permitiu beneficiarse dunha redución na petición de condena por parte da Fiscalía.
Dos outros dous procesados, o fiscal retirou a acusación contra un, F.C.V. ao entender que non queda demostrada a súa participación nos feitos e mantivo a súa cualificación con respecto a Carlos B.L, responsable de subministracións do parque de maquinaria da Deputación de Pontevedra no ano 2012 e que hoxe en día está xubilado.
A Fiscalía solicita para Carlos C.B. unha condena a dous anos e tres meses de prisión e unha multa de 12 meses a 12 euros diarios por un delito continuado de falsidade en documento mercantil. Durante a vista oral negou calquera irregularidade no seu traballo, polo que o seu avogado pediu a absolución.
O cinco acusados que recoñeceron a acusación, asumiron que entre os anos 2008 e 2013 a empresa Formigóns Tudenses realizou diversas irregularidades "simulando a realización de operacións inexistentes, dotando de aparencia de realidade tales operacións mediante o pago das facturas a través de bancos e a ulterior devolución do seu importe (excepto o IVE) ao cliente con cargo aos fondos obtidos polas vendas en B", relata o Ministerio Público.
Conclúe este escrito de acusación da Fiscalía que emitiron 275 facturas ficticias por importe de case 1,7 millóns de euros. Unha desas supostas facturas ficticias, de 2.727,57 euros, expediuse á Deputación Provincial de Pontevedra.
Finalmente para o cinco acusados que recoñeceron os feitos o representante do Ministerio Público pediu penas que, como máximo, alcanzan o seis meses de prisión por un delito contable e 12 meses de prisión e unha multa por un delito continuado de falsidade documental. Os seus defensas solicitaron que se lles substitúa a prisión por multa. O caso quedou visto para sentenza.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.